is bulandi pe bahut tanhaa huun — Tahir Faraz

kyaa khabar thi aaegaa ik roz aisaa vaqt bhi
meri goyaai tiraa munh dekhti rah jaaegi

jab bhi TuuTaa mire khvaabon kaa hasin taaj-mahal
main ne ghabraa ke kahi 'mir' ke lahje mein ghazal

kaise maanun ki zamaane ki khabar rakhti hai
gardish-e-vaqt to bas mujh pe nazar rakhti hai

kaash aisaa koi manzar hotaa
mere kaandhe pe tiraa sar hotaa

taarikiyon ne khud ko milaayaa hai dhuup mein
saaya jo shaam kaa nazar aaya hai dhuup mein

aadmi huun vasf-e-paighambar na maang
mujh se mere dost meraa sar na maang

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

umr guzri davaaein karte 'mir'
dard-e-dil kaa huaa na chaara hanuz

shaaeri ishq gham rizq kitaabein ghar-baar
kitni samton mein ba-yak-vaqt guzar hai meraa

qaid kar ke ghar ke andar apni tanhaai ko main
muskuraataa gungunaataa ghar se baahar aa gayaa