main ki kaaghaz ki ek kashti huun — Tahzeeb Hafi

main jis ke saath kai din guzaar aayaa huun
vo mere saath basar raat kyuun nahin kartaa

teraa chup rahnaa mire zehn mein kyaa baiTh gayaa
itni aavaazein tujhe diin ki galaa baiTh gayaa

apni masti mein bahtaa dariyaa huun
main kinaara bhi huun bhanvar bhi huun

daastaan huun main ik tavil magar
tu jo sun le to mukhtasar bhi huun

vo jis ki chhaanv mein pachchis saal guzre hain
vo peD mujh se koi baat kyuun nahin kartaa

sahraa se ho ke baagh mein aayaa huun sair ko
haathon mein phuul hain mire paanv mein ret hai

pyaaso raho na dasht mein baarish ke muntazir
maaro zamin pe paanv ki paani nikal paDe

ho lene do baarish ham bhi ro leinge
dil mein hain kuchh zakhm puraane dho leinge

main abr-o-baad se tufaan se sab se Dartaa huun
gharib-e-shahr huun kaaghaz ke ghar mein rahtaa huun

hijr ki raat hai aur aankh mein aansu bhi nahin
aise mausam mein to barsaat huaa karti thi

yuun dil mein aaj nuur ki baarish hui 'jamil'
jaise koi charaagh jalaa de bujhaa huaa

kyaa kahaani ko isi moD pa ruknaa hogaa
raushni hai na samundar hai na barsaatein hain