ho lene do baarish ham bhi ro leinge — Sardar Asif

aataa rahaa huun yaad main us ko tamaam umr
is zaaviye se ishq mein naakaam kab huaa

main khud ko dekhun agar dusre ki aankhon se
mileingi khaamiyaan apne hi shah-kaaron mein

khat ho koi kitaab ho yaa dil kaa zakhm ho
jo bhi hai mere paas nishaani usi ki hai

khataa us ki muaafi se baDi hai
main kyaa kartaa sazaa deni paDi hai

ye baat sach hai ki vo zindagi nahin meri
magar vo mere liye zindagi se kam bhi nahin

aasmaan tu ne chhupaa rakkhaa hai suraj ko kahaan
kyuun kalaai mein tiri band ghaDi hai ab bhi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ham mein baaqi nahin ab khaalid-e-jaan-baaz kaa rang
dil pe ghaalib hai faqat hafiz-e-shiraaz kaa rang

dil ki taklif kam nahin karte
ab koi shikva ham nahin karte

ashk Dhalte nahin dekhe jaate
dil pighalte nahin dekhe jaate

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa