hijr ki raat hai aur aankh mein aansu bhi nahin — Ismail Raaz

divaangi kaa sabab puchhaa jaa rahaa thaa miri
main chup thaa aur hujum us kaa naam le rahaa thaa

jo apnaa hissa bhi auron mein baanT detaa hai
ik aise shakhs ke hisse mein aa gae the ham

dar-asl main ne mashaqqat nahin mohabbat ki
hatheliyon pe nahin mere dil pe chhaale hain

us vaqt ke sadmon ne mujhe chaaT liyaa hai
jo vaqt abhi main ne guzaaraa bhi nahin thaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kisi ki yaad manaane mein iid guzregi
so shahr-e-dil mein bahut duur tak udaasi hai

hijr ki shab naala-e-dil vo sadaa dene lage
sunne vaale raat kaTne ki duaa dene lage

ai gham-e-zindagi na ho naaraaz
mujh ko aadat hai muskuraane ki