zindagi bhar ki riyaazat miri be-kaar gai — Taimur Hasan

phir jo karne lagaa hai tu vaada
kyaa mukarne kaa phir iraada hai

miri tavajjoh faqat mire kaam par rahegi
main khud ko saabit karungaa daavaa nahin karungaa

ham duniyaa se jab tang aayaa karte hain
apne saath ik shaam manaayaa karte hain

safar mein hoti hai pahchaan kaun kaisaa hai
ye aarzu thi mire saath tu safar kartaa

zindagi jang hai aasaab ki aur ye bhi suno
ishq aasaab ko mazbut banaa detaa hai

main ne bakhsh di tiri kyuun khataa tujhe ilm hai
tujhe di hai kitni kaDi sazaa tujhe ilm hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ham bhi 'aslam' isi gumaan mein hain
ham ne bhi koi zindagi ji thi

dam bhar rahe habaab-e-namat kaaenaat mein
is zindagi mein naam nahin maah-o-saal kaa

zindagi par bhi koi zor nahin
dil ne har chiiz paraai di hai