phir jo karne lagaa hai tu vaada — Taimur Hasan

miri tavajjoh faqat mire kaam par rahegi
main khud ko saabit karungaa daavaa nahin karungaa

ham duniyaa se jab tang aayaa karte hain
apne saath ik shaam manaayaa karte hain

safar mein hoti hai pahchaan kaun kaisaa hai
ye aarzu thi mire saath tu safar kartaa

zindagi jang hai aasaab ki aur ye bhi suno
ishq aasaab ko mazbut banaa detaa hai

main ne bakhsh di tiri kyuun khataa tujhe ilm hai
tujhe di hai kitni kaDi sazaa tujhe ilm hai

zindagi bhar ki riyaazat miri be-kaar gai
ik khayaal aayaa thaa badle mein vo kyaa detaa hai

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

saadgi o purkaari be-khudi o hushyaari
husn ko taghaaful mein jurat-aazmaa paayaa

kyaa khabar kaun saa rasta tiri jaanib nikle
be-iraada bhi kai baar safar karte hain

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

dikhaai khvaab mein di thi Tuk ik munh ki jhalak ham kuun
nahin taaqat ankhiyon ke kholne ki ab talak ham kuun

kuchh log jo savaar hain kaaghaz ki naav par
tohmat taraashte hain havaa ke dabaav par