kiyaa hai aaj vaada kis ne aane kaa khudaa jaane — Taufeeq Hyderabadi

banaai ek hi donon ki surat kaahish-e-gham ne
gumaan hotaa hai taar-e-pairahan par jism-e-laaghar kaa

sahar ke saath hogaa chaak meraa daaman-e-hasti
ba-rang-e-shama bazm-e-dahr mein mehmaan huun shab bhar kaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

main jaantaa huun mujhe mujh se maangne vaale
paraai chiiz kaa jo log haal karte hain