use tum chaand se tashbih denaa — Vishal Khullar

vo jism ruuh khalaa aasmaan hai kyaa hai
ki rang koi ho us se judaa nahin miltaa

mere dukh ki davaa bhi rakhtaa hai
khud ko mujh se judaa bhi rakhtaa hai

dil jo ab shor kartaa rahtaa hai
kis qadar be-zabaan thaa pahle

main insaan thaa khudaa hone se pahle
anal-haq ki anaa hone se pahle

divaar-o-dar saa chaahiye divaar-o-dar mujhe
divaangi mein yaad nahin apnaa ghar mujhe

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

raat baaqi thi jab vo bichhDe the
kaT gai umr raat baaqi hai

miri nazar mein vahi mohni si murat hai
ye raat hijr ki hai phir bhi khub-surat hai

ek dil hai aur tufaan-e-havaadis ai 'jigar'
ek shisha hai ki har patthar se Takraataa huun main