mohkme mein ishq ke hai yaaro divaane kaa shor — Wali Uzlat

tiri vahshat ki sarsar se uDaa juun paat aandhi kaa
miraa dil haath se khoyaa to tere haath kyaa aayaa

jaave thi jaasusi-e-majnun ko taa raahat na le
varna kab lailaa ko thaa sahraa mein jaane kaa dimaagh

ishq gore husn kaa aashiq ke dil ko de jalaa
saanvlon ke aashiqon kaa dil hai kaalaa koelaa

main sahraa jaa ke qabr-e-hazrat-e-majnun ko dekhaa thaa
ziyaarat karte the aahu bagula tauf kartaa thaa

jaa kar fanaa ke us taraf aasuda main huaa
main aalam-e-adam mein bhi dekhaa maza na thaa

vo pal mein jal-bujhaa aur ye tamaam raat jalaa
hazaar baar patinge se hai charaagh bhalaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

ham to apnon se bhi begaana hue ulfat mein
tum jo ghairon se mile tum ko na ghairat aai