aaj vaada vo phir nibhaaegaa — Waseem Akram

kaise us ko dil ki haalat samjhaaun
baat karun to aankh churaane lagtaa hai

mujh ko duniyaa se be-khabar kar de
dekh le mujh ko mo'tabar kar de

koi surat nahin magar us kaa
kore kaaghaz pe naam baaqi hai

dekh use sab zikr hamaaraa karte hain
us ki aankh mein sirf hamaaraa chehra hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa