tumhaare khat mein nazar aai itni khaamoshi — Yasir Khan Inam

main tire husn kaa shaidaai nahin ho saktaa
roz baTti hui khairaat se Dar lagtaa hai

tum us ke paas ho jis ko tumhaari chaah na thi
kahaan pe pyaas thi dariyaa kahaan banaayaa gayaa

main baDaa ho gayaa huun magar bachpanaa
mere dil se kabhi bhi gayaa hi nahin

'baaqi' jo chup rahoge to uTTheingi ungliyaan
hai bolnaa bhi rasm-e-jahaan bolte raho

ho gae chup hamein paagal kah kar
jab kisi ne bhi na samjhaa ham ko

teri har baat pe chup rahte hain
ham saa patthar bhi koi kyaa hogaa

chappa chappa us ki gali kaa rahaa hai mere zer-e-qadam
josh-e-junun se azm-e-safar tak ek kahaani biich mein hai

in se vaabasta hai miraa bachpan
main khilaunon ki qadr kartaa huun