teri har baat pe chup rahte hain — Baqi Siddiqui

is badalte hue zamaane mein
tere qisse bhi kuchh puraane lage

kuchh na paa kar bhi mutmain hain ham
ishq mein haath kyaa khazaane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

ek hansti hui badli dekhi
ek jaltaa huaa ghar yaad aayaa

dosti khun-e-jigar chaahti hai
kaam mushkil hai to rasta dekho

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

koi halchal hai na aahaT na sadaa hai koi
dil ki dahliz pe chup-chaap khaDaa hai koi

har samt sukut boltaa hai
ye kaun se jurm ki sazaa hai

uDne do parindon ko abhi shokh havaa mein
phir lauT ke bachpan ke zamaane nahin aate

khamoshi mein har baat ban jaae hai
jo bole hai divaana kahlaae hai