in se vaabasta hai miraa bachpan — Bashir Mehtaab

mujh ko akhbaar si lagti hain tumhaari baatein
har nae roz nayaa fitna bayaan karti hain

hasin yaadein vo bachpan ki kahin dil se na kho jaaein
main apne aashiyaane mein khilaune ab bhi rakhtaa huun

ik bevafaa ke pyaar mein had se guzar gae
kaafir ke pyaar ne hamein kaafir banaa diyaa

apni kamar se aap hi baandhe safar tamaam
phir yuun huaa ki main kabhi apnaa nahin banaa

yuun mohabbat ko umr-bhar paDhnaa
zindagi imtihaan ho jaise

zindagi fan nahin madaari kaa
paaniyon se diye nahin jalte

main baDaa ho gayaa huun magar bachpanaa
mere dil se kabhi bhi gayaa hi nahin

koi halchal hai na aahaT na sadaa hai koi
dil ki dahliz pe chup-chaap khaDaa hai koi

khudaa ne bakhshaa hai kyaa zarf mom-batti ko
pighalte rahnaa magar saari raat chup rahnaa

sab ne dekhaa aur sab khaamosh the
ek suufi kaa mazaar uDtaa huaa

aaina ye to bataataa hai main kyaa huun lekin
aaina is pe hai khaamosh ki kyaa hai mujh mein

miri dahliz par chupke se 'paashi'
ye kis ne rakh di meri laash laa kar