aasmaan aisaa bhi kyaa khatra thaa dil ki aag se — Zafar Gorakhpuri

apne atvaar mein kitnaa baDaa shaatir hogaa
zindagi tujh se kabhi jis ne shikaayat nahin ki

kitni aasaani se mashhur kiyaa hai khud ko
main ne apne se baDe shakhs ko gaali de kar

chhat Tapakti thi agarche phir bhi aa jaati thi niind
main nae ghar mein bahut royaa puraane ke liye

abhi zinda hain ham par khatm kar le imtihaan saare
hamaare baad koi imtihaan koi nahin degaa

meri ik chhoTi si koshish tujh ko paane ke liye
ban gai hai masala saare zamaane ke liye

dekhein qarib se bhi to achchhaa dikhaai de
ik aadmi to shahr mein aisaa dikhaai de

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

mushkil hai tire saath raqibon ko bhi chaahun
aalam ki samaai to mire dil mein nahin hai

husn-e-dilkash ise kahte hain ki ham saari umr
un ko dekhaa kiye didaar ki hasrat na gai

dil-e-fasurda ko chhinTe hazaar dein aansu
jo shaakh suukh gai hai vo kyaa hari hogi

kucha-e-zulf se Taltaa hi nahin
dil ko sakta bhi hai saudaa hi nahin