lambi taan ke so jaa aur — Zafar Iqbal

yuun mohabbat se na de meri mohabbat kaa javaab
ye sazaa sakht hai thoDi si riaayat kar de

yuun bhi hotaa hai ki yak dam koi achchhaa lag jaae
baat kuchh bhi na ho aur dil mein tamaashaa lag jaae

kyaa khabar jis kaa yahaan itnaa uDaate hain mazaaq
khud hamein bhi kabhi is rang mein Dhalnaa paD jaae

apni marzi se bhi ham ne kaam kar Daale hain kuchh
lafz ko laDvaa diyaa hai beshtar maani ke saath

haath pair aap hi main maar rahaa huun filhaal
Dubte ko abhi tinke kaa sahaaraa kam hai

raaste hain khule hue saare
phir bhi ye zindagi ruki hui hai

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

vo ajnabi tiri baanhon mein jo rahaa shab bhar
kise khabar ki vo din bhar kahaan rahaa hogaa

mire ashkon pe hai shabnam kaa gumaan tum ko magar
aag lag jaae na daaman ko bachaae rakhnaa

ye teraa maal kisi roz Das hi legaa tujhe
agar tu is mein se khairaat kuchh nahin karegaa