hamin se anjuman-e-ishq mo'tabar Thahri — Zahida Zaidi

khvaab to khvaab hain pal bhar mein bikhar jaate hain
sach to ye hai ki bas ik kaahish-e-jaan raqs mein hai

muD ke dekhaa to hamein chhoD ke jaati thi hayaat
ham ne jaanaa thaa koi bojh giraa hai sar se

zindagi tu ne to sach hai ki vafaa ham se na ki
ham magar khud tujhe Thukraaein zaruri to nahin

kabhi ishq saaz-e-hayaat thaa kabhi soz-e-dil ne jalaa diyaa
kabhi vasl mein bhi kasak rahi kabhi dard-o-gham ne bhi mazaa diyaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dil ke sunsaan jaziron ki khabar laaegaa
dard pahlu se judaa ho ke kahaan jaaegaa

mujhe khabar nahin gham kyaa hai aur khushi kyaa hai
ye zindagi ki hai surat to zindagi kyaa hai

ai dil tujhe karni hai agar ishq se baiat
zinhaar kabhu chhoDiyo mat silsila-e-dard