zindagi ik sazaa lage hai mujhe — Ejaz Ansari

"kyaa khabar thi ek din ye haadisa ho jaaegaa umr bhar chaahaa jise vo bevafaa ho jaaegaa ho agar azm-e-musammam khvaahish-e-manzil ke saath raah kaa patthar bhi ik din rahnumaa ho jaaegaa is qadar baDhne lagi hai har taraf aaludgi saans lenaa aadmi kaa masala ho jaaegaa zindagi bhar saath chalne ki jo khaataa hai qasam dekhnaa vo raaste hi mein judaa ho jaaegaa ab tumhaaraa koi khat koi khabar milti nahin aise aalam mein to jiinaa bhi sazaa ho jaaegaa sar uThaate hain yahaan bhi asr-e-haazir ke yazid kal ye khitta bhi mahaaz-e-karbalaa ho jaaegaa kuchh na kuchh 'ejaaz' naghme likh vatan ke naam par is tarah se shaairi kaa haq adaa ho jaaegaa"

"gham-e-hayaat kaa manzar badalne vaalaa hai khushi manaao ki suraj nikalne vaalaa hai vo shakhs jis ne hamesha khulus baanTaa thaa zaraa si baat pe tevar badalne vaalaa hai ghurur hone lagaa us ko apni shohrat par ye azhdahaa ise zinda nigalne vaalaa hai sambhaalo apne safine khud apne haathon mein sunaa hai aaj samundar machalne vaalaa hai vaqaar-e-ilm-o-hunar kam na ho kahin 'ejaaz' yahi charaagh havaaon mein jalne vaalaa hai"

"raasta be-zabaan be-sadaa bhi nahin koi muD kar magar dekhtaa bhi nahin mere lahje se naa-aashnaa bhi nahin koi darvaaza lekin khulaa bhi nahin 'umr-bhar ham bhaTakte rahe dar-ba-dar koi manzil koi raasta bhi nahin sar jhukaa kar mile doston se magar qad hamaaraa kisi se ghaTaa bhi nahin khud ki nazron mein gir kar pata ye chalaa is se baDh kar to koi sazaa bhi nahin ai falak tu hamaaraa nigahbaan hai in fasaadon mein ab kuchh bachaa bhi nahin inkisaari se milte hain 'e'jaaz' ham varna ham se to koi baDaa bhi nahin"

"ghazlon ko ye andaaz-e-hunar kaaT rahaa hai hiiraa hai ki shishe kaa jigar kaaT rahaa hai beTe ki paDhaai pe kiyaa jis ne bahut kharch beTaa ab usi baap kaa sar kaaT rahaa hai hairat hai ki uDnaa abhi sikhaa nahin jis ne vo bhi mire baazu mire par kaaT rahaa hai dekhun tiri jaanib to larazti hain nigaahein vahshat mujhe itni hai ki ghar kaaT rahaa hai vo mujh se mukhaatib hai is andaaz mein 'e’jaaz' jaise kisi jaadu kaa asar kaaT rahaa hai"

"ilaahi tu miri taqdir ko tanhaaiyaan de de magar us ki shabon ko anjuman-aaraaiyaan de de dilon ko jazba-e-‘ishq-o-mohabbat bakhshne vaale use mashhur kar de aur mujhe rusvaaiyaan de de agar mere ta'alluq se koi paighaam denaa hai to lahje ko asar aur fikr ko gahraaiyaan de de dar-o-divaar ki ye be-hisi kab tak sahun aakhir miri khalvat ko bhi kuchh 'aks kuchh parchhaaiyaan de de udaasi tujh se jab 'e'jaaz' dekhi hi nahin jaati to phir is gham-zada maahaul ko shahnaaiyaan de de"

"khudaa use bhi kisi din zavaal detaa hai zamaana jis ke hunar ki misaal detaa hai vo jab shu'ur ko lafzon mein Dhaal detaa hai 'ajib soch niraale khayaal detaa hai koi samajh na sakaa us ki den kaa andaaza kabhi khushi kabhi ranj-o-malaal detaa hai kabhi vo zakhm lagaataa hai mere siine par kabhi vo paanv se kaanTaa nikaal detaa hai usi ne di hai gunaah-o-savaab ki tafriq vahi shuur-e-haraam-o-halaal detaa hai mire khudaa use sanjidgi 'ataa kar de vo meri baat ko hans hans ke Taal detaa hai kabhi kinaare bhi kashti bachaa nahin sakte kabhi bhanvar bhi safine uchhaal detaa hai vo kar guzartaa hai aksar miraa junun 'ejaaz' ki jo khirad ko bhi hairat mein Daal detaa hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"