Ghazal

"ye zamin jo saqaafat mein zarkhez thi is ko kyaa ho gayaa is ki sharh-e-numu to bahut tez thi is ko kyaa ho gayaa ab suraahi ke daaman mein kuchh bhi nahin khaamushi ke sivaa meri taarikh logon se labrez thi is ko kyaa ho gayaa teri duniyaa ko nazdik se dekh kar khud pe afsos hai is ki tasvir kitni dil-aavez thi is ko kyaa ho gayaa tum ne baarud ki thailiyon mein janaa thaa nai nasl ko aaj kahte ho ye amn-angez thi is ko kyaa ho gayaa us ki khaak-e-shifaa se jilaa paa gae kitne ruumi yahaan ye zamin apni shaukat mein tabrez thi is ko kyaa ho gayaa tujh badan ke manaazir ki nazzaargi hai khizaan-yaafta ye siyaahat baDi lutf-angez thi is ko kyaa ho gayaa pakke rangon mein rangi hui aurtein kitni naayaab hain ye mohabbat jo mashshaaq rangrez thi is ko kyaa ho gayaa zindagi apni tarsil kaa marhala tai nahin kar saki varna raftaar mein maut se tez thi is ko kyaa ho gayaa peD ki chhaal bhi kaaTne kaa jatan kar nahin paaegi meri talvaar fitrat mein khun-rez thi is ko kyaa ho gayaa shakhsiyat ke tanaasub mein bechaargi baDh rahi hai 'munir' ye kahaani bahut hi junun-khez thi is ko kyaa ho gayaa"

"kurra-e-nur kaa baashinda mujhe dekhtaa hai subh-e-nauroz huun joinda mujhe dekhtaa hai us ki duniyaa se kisi taur nahin banti miri aur vo hai ki numaainda mujhe dekhtaa hai mujh ko aahang-o-tavaazun ke hunar aate hain raqs kartaa huun to saazinda mujhe dekhtaa hai main huun taslim ke raste mein baghaavat kaa charaagh zulm har taaq mein taabinda mujhe dekhtaa hai ishq huun aur numu karti hui khaak se huun yaani har shakhs hi aainda mujhe dekhtaa hai meri taarikh kaa maakhaz miri daanaai hai vaqt har daur mein paainda mujhe dekhtaa hai main ne tahzib ki miTTi mein yaqin boyaa thaa phuul khilte hain to kaarinda mujhe dekhtaa hai apni daanist mein chumaa thaa koi aab-fishaar chashmak-e-nam se vo sharminda mujhe dekhtaa hai kis ne maahaul pe chhiDkaa hai miraa sabr 'munir' mar bhi jaaun to jahaan zinda mujhe dekhtaa hai"

"aakhiri ashk hai aur pahli azaa-daari hai majlis-e-hijr bapaa karne ki tayyaari hai jis ki jo marzi ho vo rakh ke chalaa jaataa hai meri duniyaa hai ki ahbaab ki almaari hai nuur ke haath pe bai'at hai miri aankhon ki ab andheron ki taraf dekhnaa ghaddaari hai DhunDne niklaa huun main us ke pasandida phuul meri is shahr mein ye pahli kharidaari hai raakh se le ke uThungaa main khazaane kaa suraagh meraa is aag mein jal bujhnaa adaakaari hai jhuTaa khaane se bhi lag jaati ho aadat jaise ye mohabbat bhi tire dar ki namak-khvaari hai niim ke peD se karnaa hai jinhein shahd vasul un zamaanon ki taraf meraa safar jaari hai jaane kis shakhs ke paanv ko chhuaa hai us ne tez aandhi mein bhi sahraa pe sukun taari hai narm gaalon pe sarakte hue suraj kaa ghurub ye nazaaraa hai ki rangon ki dukaan-daari hai baanT detaa huun mohabbat ko faqiron mein 'munir' ye bhi purkhon ki viraasat se vafaadaari hai"

"is qadar hijr ke dhaagon se nikal aaya thaa main tiri yaad ke reshon se nikal aaya thaa Tiis uTThi thi kahin zer-e-zamin aur idhar shahr kaa shahr makaanon se nikal aaya thaa raat khaamoshi mire jism mein yuun phaili thi lams kaa shor bhi kaanon se nikal aaya thaa main ne pheinkaa thaa use taish mein aa kar lekin ashk tasvir ki aankhon se nikal aaya thaa main ne ik peD ke saae mein duaa maangi thi aur parinda miri poron se nikal aaya thaa us ne aavaaz ki takhti pe miraa naam likhaa aur main lafz ke honTon se nikal aaya thaa main ne qirtaas pe rakkhi thi faqat aankh 'munir' khvaab tahrir ki darzon se nikal aaya thaa"

"is qadar hijr ke dhaagon se nikal aaya thaa main tiri yaad ke reshon se nikal aaya thaa Tiis uTThi thi kahin zer-e-zamin aur idhar shahr kaa shahr makaanon se nikal aaya thaa raat khaamoshi mire jism mein yuun phaili thi lams kaa shor bhi kaanon se nikal aaya thaa main ne pheinkaa thaa use taish main aa kar lekin ashk tasvir ki aankhon se nikal aaya thaa main ne ik peD ke saae mein duaa maangi thi aur parinda miri poron se nikal aaya thaa us ne aavaaz ki takhti pe miraa naam likhaa aur main lafz ke honTon se nikal aaya thaa main ne qirtaas pe rakkhi thi faqat aankh 'munir' khvaab tahrir ki darzon se nikal aaya thaa"

"buDhe bargad pe shaam ho gai hai ek duniyaa tamaam ho gai hai paD gayaa hai udaasiyon kaa rivaaj jis ki khilqat ghulaam ho gai hai us gale ke baTan khule do tiin raushni be-niyaam ho gai hai ham ravayyon pe kaam kar na sake aaj takhrib aam ho gai hai din bitaayaa thaa fikr-e-fardaa mein raat maazi ke naam ho gai hai us gali mein qiyaam hai meraa be-ghari be-maqaam ho gai hai us ke chhune se bhi haraa na huaa ye khizaani davaam ho gai hai aab-zaaron pe jam gai kaai zindagi tishna-kaam ho gai hai saans aahista chal rahi hai 'munir' maut kyon tez-gaam ho gai hai"

"baarishon mein khiDkiyaan khuli nahin manzaron ki siskiyaan thami nahin laDkiyon ke khvaab buDhe ho gae hasraton ki Doliyaan uThi nahin bag mein paDe rahe hamaare khat kashtiyaan kinaaron pe lagi nahin deviyon ke paanv khuun se bhar gae mandiron ki ghanTiyaan baji nahin phir khizaan ko dakhl denaa paD gayaa bel aur fasil mein bani nahin hijraton ke phuul kaaDhte hue zindagi ki ungliyaan thaki nahin jang khatm ho gai magar abhi qaidiyon ki rassiyaan khuli nahin vo bhi sahn se palaT gai 'munir' raushni bhi siDhiyaan chaDhi nahin"

"kis mein hai ye majaal tiri aag se pare Daale koi dhamaal tiri aag se pare jaise koi charaagh bichhaD jaae nuur se meri vahi misaal tiri aag se pare mujh ko paraai dhuup bhi bhaDkaa nahin saki aaya nahin ubaal tiri aag se pare taa-umr tujh alaav ko rakkhungaa mushtail guzre hain kitne saal tiri aag se pare raushan hai shama-gaah-e-badan mein chahaar-su bujhne kaa ehtimaal tiri aag se pare miltaa nahin kisi se miri aag kaa mizaaj rahtaa huun pur-malaal tiri aag se pare detaa hai kaun aag paraae charaagh ko jalnaa huaa muhaal tiri aag se pare ab jaa ke meri raakh se chingaariyaan talaash ye ishq thaa vabaal tiri aag se pare phirtaa huun sahn-e-dasht mein aatash-bajaan magar mujh pe rahaa zavaal tiri aag se pare mujh ko dhuein ki dhund ne dhundlaa ke rakh diyaa aaegaa kyon jamaal tiri aag se pare taarikh kah rahi hai nai paud ke 'munir' kachche hain khadd-o-khaal tiri aag se pare"

"ai dast-e-ikhtiyaar dar-e-inkishaaf khol dekhein to kyaa chhupaa hai badan kaa ghilaaf khol vo chhed jis ko bharte hue dasht lag gae dariyaa se kah rahaa huun vahi phir shigaaf khol tujh ko khabar nahin hai baghaavat ke zahr ki ik baar ye mahaaz to apne khilaaf khol shaahaa zabaan-e-khalq hai naqqaara-e-khudaa tujh ko kabhi karegi nahin ye muaaf khol mujh ko na baandh vaqt ki mamnuaa shaakh se main hi tire vajud kaa huun e'tiraaf khol vo raaz jis binaa pe bani hai ye kaaenaat duniyaa se kar na jaaein sabhi inhiraaf khol lahjon mein gaanTh paDne se pahle mire ghanim ham jis pe laD rahe the vahi ikhtilaaf khol nairangi-e-badan se bandhi hai nazaargi mujh kor-chashm par bhi koi koh-e-qaaf khol takhrib kah rahi hai saqaafat ki daastaan tafsil chaahiye to chaman kaa lihaaf khol phulon pe band hain tiri aamad ke dar 'munir' khushbu ke iltimaas pe apnaa tavaaf khol"

"kitne gunjal paD jaate hain ek girah suljhaane mein umr Thikaane lag jaati hai ret pe phuul banaane mein takht pe baiThaa soch rahaa huun maar diye hain kitne log qasr ke unche do burjon par ek alam lahraane mein dharti ke qadmon par meri peshaani kaa shamla hai aur kahaan tak jhuknaa hogaa apnaa bojh uThaane mein tum to shahd utaar ke vaapas aa jaate ho jangal se kitni aankhein lag jaati hain dard ki aag bujhaane mein ab ajdaad ki qabrein khod ke puchh rahe hain maazi se mustaqbil mahfuz kiyaa thaa tum ne kis tah-khaane mein jismon ke arshe par baiTh ke ham ne dariyaa paar kiyaa jaane kitne din lag jaate kashti ke bhar jaane mein baagh-e-baghaavat mahak uThegaa is ko khuun se mat sincho varna dimak lag jaaegi taaqat ke kaashaane mein in baanhon ki guunj mayassar hai meri khaamoshi ko phir koi aavaaz sunaai kaise de viraane mein ibrat kaa juzdaan khulaa to hairat se halkaan hue kaise kaise gham bikhre hain duniyaa ke khas-khaane mein apnaa aap unDel diyaa hai phir bhi suraahi khaali hai jaane kis kaa jaam bharegaa duniyaa ke maikhaane mein"

"sahraa se puchhtaa hai koi sogvaar peD kyaa ab bhi DhunDte hain mujhe sabza-zaar peD miTTi mein itni taab kahaan peD ban sake divaar se nikaal koi saaya-daar peD tahzib apni aap numu kar rahi hai aaj pipal se ug paDe hain khajuron ke chaar peD baDhte chalo ki raah nikal aae khud-bakhud ugte hain jaise dost sar-e-kohsaar peD main bhi zamin ki nasl-kushi mein sharik huun karte nahin tabhi to miraa eatibaar peD phulon ki justuju mein hatheli hai taar taar duniyaa ho jaise dasht mein ik khaar-daar peD boe hain main ne biij ravayyon ki fasl ke dekhegi agli nasl yahaan be-shumaar peD ai vaqt ai aziim darakhton ki khud-navisht fihrist mein hai ab bhi koi shaandaar peD us ne chhuaa thaa baagh mein bas ek peD ko ab tak khaDe hue hain vahaan mushk-baar peD gautam ne apni zaat ke irfaan ke liye insaan ke bajaae kiyaa ikhtiyaar peD taarikh inqalaab ki muhtaaj kab hui patthar se ug paDe hain kai shaahkaar peD vahshat ki tez dhuup ne jhulsaa ke rakh diyaa yaa-rab koi falak se hi mujh par utaar peD hijrat ke vaqt baap ne mujh se kahaa 'munir' saamaan to sab sameT liyaa aur yaar peD"

"kitne gunjal paD jaate hain ek girah suljhaane mein umr Thikaane lag jaati hai ret pe phuul banaane mein takht pe baiThaa soch rahaa huun maar diye hain kitne log qasr ke unche do burjon par ek alam lahraane mein dharti ke qadmon par meri peshaani kaa shamla hai aur kahaan tak jhuknaa hogaa apnaa bojh uThaane mein tum to shahd utaar ke vaapas aa jaate ho jangal se kitni aankhein lag jaati hain dard ki aag bujhaane mein ab ajdaad ki qabrein khod ke puchh rahe hain maazi se mustaqbil mahfuz kiyaa thaa tum ne kis tah-khaane mein jismon ke arshe par baiTh ke ham ne dariyaa paar kiyaa jaane kitne din lag jaate kashti ke bhar jaane mein baagh-e-baghaavat mahak uThegaa us ko khuun se mat sincho varna dimak lag jaaegi taaqat ke kaashaane mein in baanhon ki guunj mayassar hai meri khaamoshi ko phir koi aavaaz sunaai kaise de viraane mein ibrat kaa juzdaan khulaa to hairat se halkaan hue kaise kaise gham bikhre hain duniyaa ke khas-khaane mein apnaa aap unDel diyaa hai phir bhi suraahi khaali hai jaane kis kaa jaam bharegaa duniyaa ke maikhaane mein"

"har taraf ret kaa ijaaraa hai yaani sahraa mein bhi khasaaraa hai rah gae hain ham aadhe shaakhon par us ne yuun khinch kar utaaraa hai paanv dho jaa hamaari miTTi par in zaminon kaa paani khaaraa hai ham paDe rah gae hain tah mein kahin aap ne khud ko yuun nithaaraa hai jaan par ban gai hai khushbu ki tu ne gul-daan kyaa sanvaaraa hai aaina qaht mein huaa ijaad khud-parasti kaa istiaaraa hai vaqt ke bhaav baDh gae hain 'munir' zindagi kaa ajab guzaaraa hai"

"dekhne vaale ki aankhon kaa gumaan hotaa hai ret par varna kahaan aab-e-ravaan hotaa hai is udaasi mein tire jism kaa nau-khez gulaab jaise sahraa mein koi miThaa kuaan hotaa hai pyaar kaa phuul har ik daur mein taaza hi rahe rukh badaltaa bhi hai dariyaa to ravaan hotaa hai bakht ki niind bujhaane ki ghaDi aati hai khvaab kaa takht ulaTtaa hai dhuaan hotaa hai baaz auqaat badan oDh ke Dar jaataa huun mujh ko malbus mein bhi teraa gumaan hotaa hai apni chhaanv mein mujhe baiThne detaa hi nahin peD jo bhi mire pahlu mein javaan hotaa hai is kaa matlab ki yahaan gham ki koi qadr nahin jis ko bhi dekho vahi mahv-e-fughaan hotaa hai leT jaataa huun rivaayaat ki divaar ke saath log kahte hain yahaan ishq javaan hotaa hai khaamushi chhoD gai kaisi nami honTon par lafz ki aag jalaataa huun dhuaan hotaa hai husn har rang mein tahsin ke laaeq hai 'munir' peD sukhaa ho to ibrat kaa nishaan hotaa hai"

"sahraa se puchhtaa hai koi sogvaar peD kyaa ab bhi DhunDte hain mujhe sabza-zaar peD miTTi mein itni taab kahaan peD ban sake divaar se nikaal koi saaya-daar peD tahzib apni aap numu kar rahi hai aaj pipal se ug paDe hain khajuron ke chaar peD baDhte chalo ki raah nikal aae khud-bakhud ugte hain jaise dost sar-e-kohsaar peD main bhi zamin ki nasl-kushi mein sharik huun karte nahin tabhi to miraa eatibaar peD phulon ki justuju mein hatheli hai taar-taar duniyaa ho jaise dasht mein ik khaar-daar peD boe hain main ne biij ravayyon ki fasl ke dekhegi agli nasl yahaan be-shumaar peD ai vaqt ai aziim darakhton ki khud-navisht fihrist mein hai ab bhi koi shaandaar peD us ne chhuaa thaa baagh mein bas ek peD ko ab tak khaDe hue hain vahaan mushk-baar peD gautam ne apni zaat ke irfaan ke liye insaan ke bajaae kiyaa ikhtiyaar peD taarikh inqalaab ki muhtaaj kab hui patthar se ug paDe hain kai shaahkaar peD vahshat ki tez dhuup ne jhulsaa ke rakh diyaa yaa-rab koi falak se hi mujh par utaar peD hijrat ke vaqt baap ne mujh se kahaa 'munir' saamaan to sab sameT liyaa aur yaar peD"

"baarishon mein khiDkiyaan khuli nahin manzaron ki siskiyaan thami nahin laDkiyon ke khvaab buDhe ho gae hasraton ki Doliyaan uThi nahin bag mein paDe rahe hamaare khat kashtiyaan kinaaron pe lagi nahin deviyon ke paanv khuun se bhar gae mandiron ki ghanTiyaan baji nahin phir khizaan ko dakhl denaa paD gayaa bel aur fasil mein bani nahin hijraton ke phuul kaaDhte hue zindagi ki ungliyaan thaki nahin jang khatm ho gai magar abhi qaidiyon ki rassiyaan khuli nahin vo bhi sahn se palaT gai 'munir' raushni bhi siDhiyaan chaDhi nahin"

"ye zamin jo saqaafat mein zarkhez thi is ko kyaa ho gayaa is ki sharh-e-numu to bahut tez thi is ko kyaa ho gayaa ab suraahi ke daaman mein kuchh bhi nahin khaamushi ke sivaa meri taarikh logon se labrez thi is ko kyaa ho gayaa teri duniyaa ko nazdik se dekh kar khud pe afsos hai us ki tasvir kitni dil-aavez thi us ko kyaa ho gayaa tum ne baarud ki thailiyon mein janaa thaa nai nasl ko aaj kahte ho ye amn-angez thi is ko kyaa ho gayaa is ki khaak-e-shifaa se jilaa paa gae kitne ruumi yahaan ye zamin apni shaukat mein tabrez thi is ko kyaa ho gayaa tujh badan ke manaazir ki nazzaargi hai khizaan-yaafta ye siyaahat baDi lutf-angez thi is ko kyaa ho gayaa pakke rangon mein rangi hui aurtein kitni naayaab hain ye mohabbat jo mashshaaq rangrez thi is ko kyaa ho gayaa zindagi apni tarsil kaa marhala tai nahin kar saki varna raftaar mein maut se tez thi is ko kyaa ho gayaa peD ki chhaal bhi kaaTne kaa jatan kar nahin paaegi meri talvaar fitrat mein khun-rez thi is ko kyaa ho gayaa shakhsiyat ke tanaasub mein bechaargi baDh rahi hai 'munir' ye kahaani bahut hi junun-khez thi is ko kyaa ho gayaa"

"jis kaa honaa meraa honaa bantaa hai vo duniyaa ke aage baunaa bantaa hai ham to farz nibhaate hain majburi kaa hansne ki buniyaad khilaunaa bantaa hai jis mein apne paanv bhigo le vo ik baar us dariyaa kaa paani sonaa bantaa hai khaamoshi izhaar mein Dhal kar baat bani hone ki buniyaad na honaa bantaa hai umron ki mazduri lagti hai us par lamhon mein to vaqt kaa konaa bantaa hai main dushman ki maut pe kaise raqs karun meraa to is dukh mein ronaa bantaa hai pahle us ko baagh salaami detaa hai baad mein har ik phuul bichhaunaa bantaa hai is parcham mein badbu hai ghaddaari ki is parcham ko khuun se dhonaa bantaa hai auron kaa to baar-e-garaan hai maan liyaa apnaa apnaa bojh to Dhonaa bantaa hai us kaa jism november kaa khurshid 'munir' us paikar ki dhuup mein sonaa bantaa hai"

"aakhiri ashk hai aur pahli azaa-daari hai majlis-e-hijr bapaa karne ki tayyaari hai jis ki jo marzi ho vo rakh ke chalaa jaataa hai meri duniyaa hai ki ahbaab ki almaari hai nuur ke haath pe bai'at hai miri aankhon ki ab andheron ki taraf dekhnaa ghaddaari hai DhunDne niklaa huun main us ke pasandida phuul meri is shahr mein ye pahli kharidaari hai raakh se le ke uThungaa main khazaane kaa suraagh meraa is aag mein jal-bujhnaa adaakaari hai jhuTaa khaane se bhi lag jaati ho aadat jaise ye mohabbat bhi tire dar ki namak-khvaari hai niim ke peD se karnaa hai jinhein shahd vasul un zamaanon ki taraf meraa safar jaari hai jaane kis shakhs ke paanv ko chhuaa hai is ne tez aandhi mein bhi sahraa pe sukun taari hai narm gaalon pe sarakte hue suraj kaa ghurub ye nazaaraa hai ki rangon ki dukaan-daari hai baanT detaa huun mohabbat ko faqiron mein 'munir' ye bhi purkhon ki viraasat se vafaadaari hai"

"tum ko vaapas bulaati pukaaron ke dukh tum nahin jaante paanv paDte hue chup ke maaron ke dukh tum nahin jaante jab zarurat ki miqdaar baDhti hai sab Dubne lagte hain ham nashebon ke aabaad-kaaron ke dukh tum nahin jaante ek unchaai par khud ko taslim karti masarrat ke baad niche girte hue aabshaaron ke dukh tum nahin jaante ek arsa yahaan zindagi apni taulid karti rahi in khanDar oDhte sabza-zaaron ke dukh tum nahin jaante kitni duniyaaein taskhir hone ki khvaahish mein betaab hain in pahaaDon mein maujud ghaaron ke dukh tum nahin jaante ham samaaji ghulaamon pe apne liye sochnaa band hai ek suraj ke hote sitaaron ke dukh tum nahin jaante tum nahin jaante past zehnon ke maabain fikr-e-rasaa khaaiyon mein ghire kohsaaron ke dukh tum nahin jaante monalisa ki muskaan us ke badan kaa khulaasa nahin dekhne vaalo in shaahkaaron ke dukh tum nahin jaante main ne ghaalib ko dilli kaa pursa diyaa faiz goyaa hue mere bachche abhi mere yaaron ke dukh tum nahin jaante baanu-e-subh jab raushni ki rasad rokti hai 'munir' vaqt ko pesh aate khasaaron ke dukh tum nahin jaante"

"ai dast-e-ikhtiyaar dar-e-inkishaaf khol dekhein to kyaa chhupaa hai badan kaa ghilaaf khol vo chhed jis ko bharte hue dasht lag gae dariyaa se kah rahaa huun vahi phir shigaaf khol tujh ko khabar nahin hai baghaavat ke zahr ki ik baar ye mahaaz tu apne khilaaf khol shaahaa zabaan-e-khalq hai naqqaara-e-khudaa tujh ko kabhi karegi nahin ye muaaf khol mujh ko na baandh vaqt ki mamnuaa shaakh se main hi tire vajud kaa huun e'tiraaf khol vo raaz jis binaa pe bani hai ye kaaenaat duniyaa se kar na jaaein sabhi inhiraaf khol lahjon mein gaanTh paDne se pahle mire ghanim ham jis pe laD rahe the vahi ikhtilaaf khol nairangi-e-badan se bandhi hai nazaargi mujh kor-chashm par bhi koi koh-e-qaaf khol takhrib kah rahi hai saqaafat ki daastaan tafsil chaahiye to chaman kaa lihaaf khol phulon pe band hain tiri aamad ke dar 'munir' khushbu ke iltimaas pe apnaa tavaaf khol"

"jis kaa honaa meraa honaa bantaa hai vo duniyaa ke aage baunaa bantaa hai ham to farz nibhaate hain majburi kaa hansne ki buniyaad khilaunaa bantaa hai jis mein apne paanv bhigo le vo ik baar us dariyaa kaa paani sonaa bantaa hai khaamoshi izhaar mein Dhal kar baat bani hone ki buniyaad na honaa bantaa hai umron ki mazduri lagti hai is par lamhon mein to vaqt kaa konaa bantaa hai main dushman ki maut pe kaise raqs karun meraa to is dukh mein ronaa bantaa hai pahle us ko baagh salaami detaa hai baad mein har ik phuul bichhaunaa bantaa hai is parcham mein badbu hai ghaddaari ki is parcham ko khuun se dhonaa bantaa hai auron kaa to baar-e-garaan hai maan liyaa apnaa apnaa bojh to Dhonaa bantaa hai us kaa jism november kaa khurshid 'munir' us paikar ki dhuup mein sonaa bantaa hai"

"dekhne vaale ki aankhon kaa gumaan hotaa hai ret par varna kahaan aab-e-ravaan hotaa hai is udaasi mein tire jism kaa nau-khez gulaab jaise sahraa mein koi miThaa kuaan hotaa hai pyaar kaa phuul har ik daur mein taaza hi rahe rukh badaltaa bhi hai dariyaa to ravaan hotaa hai bakht ki niind bujhaane ki ghaDi aati hai khvaab kaa takht ulaTtaa hai dhuaan hotaa hai baaz auqaat badan oDh ke Dar jaataa huun mujh ko malbus mein bhi teraa gumaan hotaa hai apni chhaanv mein mujhe baiThne detaa hi nahin peD jo bhi mire pahlu mein javaan hotaa hai is kaa matlab ki yahaan gham ki koi qadr nahin jis ko bhi dekho vahi mahv-e-fughaan hotaa hai let jaataa huun rivaayaat ki divaar ke saath log kahte hain yahaan ishq javaan hotaa hai khaamushi chhoD gai kaisi nami honTon par lafz ki aag jalaataa huun dhuaan hotaa hai husn har rang mein tahsin ke laaeq hai 'munir' peD sukhaa ho to ibrat kaa nishaan hotaa hai"

"buDhe bargad pe shaam ho gai hai ek duniyaa tamaam ho gai hai paD gayaa hai udaasiyon kaa rivaaj jis ki khilqat ghulaam ho gai hai us gale ke button khule do tiin raushni be-niyaam ho gai hai ham ravayyon pe kaam kar na sake aaj takhrib aam ho gai hai din bitaayaa thaa fikr-e-fardaa mein raat maazi ke naam ho gai hai us gali mein qiyaam hai meraa be-ghari be-maqaam ho gai hai us ke chhune se bhi haraa na huaa ye khizaani davaam ho gai hai aab-zaaron pe jam gai kaai zindagi tishna-kaam ho gai hai saans aahista chal rahi hai 'munir' maut kyon tez-gaam ho gai hai"