Ghazal

"rabt bhi toDaa bani nit ki talab kaa base bhi patr bhi is ne likhe bheje mujhe sandes bhi chaukhaTaa dil kaa yahaan hai hu bahu tujh saa koi honT bhi aankhein bhi chhab Dhab bhi tujhi saa face bhi ziist ke path par nahin honaa thaa tujh mujh mein milaap har janam mein priit ne dekhe badal kar bhes bhi puut ki saaDi gulaabi aaftaabi jism par laT gundhi choTi ribbon shaanon pe sanvre kes bhi tujh se bichhDe gaanv chhoTaa shahr mein aakar base taj diye sab sangi-saathi tyaag Daalaa des bhi bas asaasa hai yahi ghar kaa yahi ghar ki mataaa sofa ik do bed kitaabein aur ik show kes bhi shaairi mein baazuon ke saath dil bhi shal huaa aakhirash majbur ho kar haar di ye race bhi niche in jharnon pe vaadi mein kise jaa kar milun sang ik sautan ke beri pi gae pardes bhi jaantaa thaa kaun jiite hain yahi kuchh dekhne dil pe sah leinge mohabbat mein birah ki Thes bhi"

"dil se husul-e-zar ke sabhi zoam haT gae fikr-e-maaash baDh gai khaanon mein baT gae phir yuun huaa ki mujh se vo yunhi bichhaD gayaa phir yuun huaa ki ziist ke din yunhi kaT gae khenaa sakhi sakhi na sajan ki taraf mujhe lenaa sakhi sakhi mire paanv rapaT gae aaina us ko dekh ke mabhut ho gayaa gul-daan mein gulaab lajaa kar simaT gae akhroT khaaein taapein angeThi pe aag aa raste tamaam gaanv ke kohre se aT gae aane diyaa na mere buzurgon ne haq pe harf maidaan karbalaaon ke laashon se paT gae Daali nadi mein naav na bargad ke niche peing tu kyaa gayaa palaT ke vo sab din palaT gae khaadein lagin to chhoD gaiin khet titliyaan faslein baDhin to Daar parindon ke ghaT gae us se mili nazar to larazne lagaa badan diide sakhi ri dekh ke piritam ko phaT gae tu shaant ho ki teri muraadein huiin saphal baadal garaj-baraj ke jo aae the chhaT gae dekhaa to us ke tan pe gire kevDe ke phuul paanv se aabshaar ke paani lipaT gae"

"ik aks dil ke taT se be-ikhtiyaar phuTe jab chaand us nagar ki jhilon ke paar phuTe sadqa utaarne ko tere madhur nayan kaa ubhre kai sitaare ghunche hazaar phuTe vo aur main nadi ke naghmon pe bahti naav naav mein us ke mukh se ujlaa nikhaar phuTe kaanon mein ab bhi khankein gajre tire gajar-dam is ghar se jab dhuein kaa niilaa ghubaar phuTe mujh ko jhulaa rahe hain giton ke jhulne mein naghme jo paayalon ke sapnon ke dvaar phuTe us saanvle badan par mahkein khunuk savere un mast ankhDiyon se rangon ki phuvaar phuTe mat ro phir aaungaa main parbat pe tujh se milne jab barf-zaar pighle jab aabshaar phuTe"

"lahu mein saadh sat ko bhar rahaa huun koi hujra charaaghaan kar rahaa huun jhaTak kar dil se saare lobh laalach yahaan ban-baas mein behtar rahaa huun azaab-e-aakhirat ki baat aage itaab-e-zindagi se Dar rahaa huun miri pahchaan meraa gyaan hijrat sadaa ausaan mein be-ghar rahaa huun koi dekhe na aa kar daagh-e-hasrat badan par oDh kar chaadar rahaa huun mulavvis thaa main har be-rah-ravi mein magar ilzaam tujh par dhar rahaa huun taDapte tan ko miTTi par giraa kar sar-e-sahraa burida-sar rahaa huun darakte rang baadal khvaab khushbu samay ki saj se bahra-var rahaa huun Daraa huun tere khauf-e-be-bahaa se musalle par sar-e-mahshar rahaa huun tiri be-e'tinaai se gilaa kyaa main apne aap par dubhar rahaa huun"

"tu dard-e-taaza ke 'unvaan ki mahurat hai sakhi sakhi mujhe ab bhi tiri zarurat hai rakhun sanbhaal ke kab tak ye zindagi tujh bin tire milan kaa sabab hai na koi surat hai siDaul paanv subuk sohnaa sajal naanv nasha-taraaz-badan muhnaa madhurat hai yahi na tere liye koh kaaTe ban paaTe tujhe kuchh aur bhi mujh se koi kudurat hai"

"hasrat-e-ahd-e-vafaa baaqi hai teri aankhon mein hayaa baaqi hai baat mein kohna rivaayaat kaa lutf haath par rang-e-hinaa baaqi hai abhi haasil nahin zaalim ko davaam abhi duniyaa mein khudaa baaqi hai bujh gayaa gir ke khunuk aab mein chaand sath-e-dariyaa pe sadaa baaqi hai gopiyaan hi kisi gokul mein nahin bansiyon mein to navaa baaqi hai paanv ke niche sarakti hui khaak sar mein masnad ki havaa baaqi hai biich mein raat, bachan, biite milan oT mein jaltaa diyaa baaqi hai dekh ye chaand nadi phuul na jaa rut mein ras shab mein nasha baaqi hai"

"jal bhi milan ke kashT kaa thal bhi amiin thaa ye bhi kabhi tiri miri chaahat kaa scene thaa sochaa to duur the kai farsang us ke ang dekhaa to saamne vo sitaara-jabin thaa ik arsh thaa jhukaa huaa girne ko su-e-farsh ik jism-e-sad-shigaaf sar-e-sath-e-zin thaa faThon se ham-kanaar bayaabaan mein be-mazaar tu maani-e-mubin tu tashrih-e-din thaa din-sin the saajnaa ki girah mein bandhe hue pahlu mein priTmaa ke ye jivan rahin thaa jab ruuh thi barahna to phir jism par libaas zaahir thaa main to kis liye parda nashin thaa khinchaa to mauj-e-mil use bhinchaa to barg-e-gul vo kaanch se matin kiran se mahin thaa niche gagan ke nil-kanval khetiyon mein hal parbat piyaa ke bal miraa siina zamin thaa sadqon bhare sabaat the rassi mein chand haath neze pe ek sar ki saraapaa yaqin thaa"

"do ek saal hi ik se saraahi jaati hai isi tarah se hamesha tu chaahi jaati hai ''karein na byaah, milein sukh, suhaaein falsafa khub'' tire buzurgon ki sab kaj-kulaahi jaati hai hai tujh mein mujh se bigaaD ab ik aur ke aage tiri sakhi tiri dene gavaahi jaati hai biraaje ghar mein mujhe chaahe tujh ko bahkaae le teri bahan ki ab sarbaraahi jaati hai tazaad-e-zaat mein zile alag vachan bekaar lagan to tyaag ke jivan nibaahi jaati hai tire sarir ko kaise mile suhaag kaa sukh tu apne aap hi din rain byaahi jaati hai duaa salaam chalaa main ki mere hone se tiraa vaqaar tiri khud-nigaahi jaati hai"

"rut ne rivaayat ke rukh badle har masud sauud gayaa sadqon se mafqud hue dil maabad se maabud gayaa do faslein do naddi kinaare aapas mein kyaa un kaa rishta ghar mein giri jab imli pak kar baagh se tab amrud gayaa maut mohabbat ki var-maalaa chitaa svayamvar aag doshaalaa pyaar piyaa ki priit kaa pyaasaa naar anhaar mein kuud gayaa chaaTi aur chulhaa sab aundhe be-masraf baiThi hai gori bhor bhae basti se bik kar shahr ki jaanib duudh gayaa chhoD ke kavitaa kyaa kuchh paayaa dost tujhe aur naam ganvaayaa ye din ye sin hue akaarat ye jivan be-sud gayaa rang dukaanon ki raanaai khushbu dargaahon ki zinat zulf-e-moambar ab ban ambar sej suhaag se uud gayaa sakhiyaan sangat dahi pakauDe haali khetiyaan khaad ke toDe duur talak in qariyon qasbon barkhaa ruton kaa ruud gayaa"

"nain nashe ki chaDhti numu par baaqi badan sab jaam-o-subu par chiDiyaan mor mamule vaadi ham tum ek kinaar-e-ju par likkhi gai taarikh hamaari kuufe tere kaakh-o-ku par ham ne apni kavitaa gundhi miTTi ki sondhi khushbu par karbal harb haraaval hamla karbal aakhiri zarb adu par"

"suraj surkh dishaa mein utraa din Duubaa dariyaa mein utraa hotel sabza lawn lab-e-ju ghirTaa abr ghaTaa mein utraa aT kar gard-e-maaash se ubhre phaT kar dard duaa mein utraa shahr-panaah ki galiyaan jaagin chaand jo mahal-saraa mein utraa soe oDh ke maqtal ko ham dasht-e-balaa sahraa mein utraa baam pe shaam hui gori ko ang kaa rang adaa mein utraa shaakh jhuki chehre ke aage TuuT ke phuul qabaa mein utraa mare kabhi be-naam hi ham tum qissa kabhi kathaa mein utraa dhuup hi dhuup thi is ke mukh par ruup hi ruup havaa mein utraa"

"hasrat-e-ahd-e-vafaa baaqi hai teri aankhon mein hayaa baaqi hai baat mein kohna rivaayaat kaa lutf haath par rang-e-hinaa baaqi hai abhi haasil nahin zaalim ko davaam abhi duniyaa mein khudaa baaqi hai bujh gayaa gir ke khunuk aab mein chaand sath-e-dariyaa pe sadaa baaqi hai aankh mein ism-e-mohammad ki mahak honT par harf-e-duaa baaqi hai gopiyaan hi kisi gokul mein nahin bansiyon mein to sadaa baaqi hai paanv ke niche sarakti hui ret sar mein masnad ki havaa baaqi hai biich mein raat bachan biite milan oT mein jaltaa diyaa baaqi hai karbalaa iffat insaan ki baqaa luT ke bhi teri ridaa baaqi hai dekh ye phuul ye mahtaab na jaa rut mein ras shab mein nasha baaqi hai"

"qayaas ban-baas ko ma'aani de de mujhe phir koi kahaani de bakhsh jazbon ko daaimi shobhaa she'r ko umr-e-jaavedaani de karbalaa meri jadd pe guzri kiyaa haal-ahvaal kuchh zabaani de khaatam-e-zar ki aansuon ke guhar jo bhi detaa hai tu nishaani de Daal gandum pe kesari chundri dhaan ke sar pe shaal dhaani de koi ejaaz-e-mahramaana phir koi aavaaz to puraani de mantaqe sab zamin ke kar zarkhez rang dharti ko aasmaani de kaun paidaa ho yaa-ali tujh saa apne qaatil ko kaun paani de ik na ik din to priytmaa se milaa ik na ik raat to suhaani de haath ko hirs ki havaa se bachaa aankh ko dil ki tarjumaani de raaja chaupaT andher-nagri kaa is kahaani ko mat ravaani de"

"kaTe din sun kai mausam mahine tujhe ji mein bahut DhunDaa hai ji ne chhuaa phulon ne jhuk kar us kaa chehra bhigoe honT shabnam ki nami ne abhi barchhi ke phal ruDkein badan mein abhi saDkan bhare ye sar ye siine paDhein rag-ved ki paakiza hamdein piye nirvaan jal ke aabgine bataai raat ki sab baat aakhir kahin kaa bhi nahin chhoDaa kisi ne sakhi aa chaand ki jaanib phlaange kaTahre rang ke kirnon ke ziine judaai kaa tabhi mafhum samjhaa lage jab chhuTne dil ke pasine ye gaani le ke aaein us ki mayyaa ye anguThi mujhe bheji hai pi ne sakhi ke daant moti jagti joti sakhi ke nain tarshida nagine chaTak bosa tane kere mein ham tum dikhaae haae kyaa manzar muri ne"

"dharti pe zindagi ke amiT e'timaad ko ji khush huaa hai dekh ke apne kimaad ko khud miT gayaa miTaataa huaa satvat-e-husain taarikh maat de gai ibn-e-ziyaad ko taa-umr marnaa jiinaa rahe saajnaa ke sang dil lobhtaa hai aise hi aashirvaad ko kohna kahaaniyaan sunein lekin bunein chunein ashaar ke savaad mein taaza mavaad ko saunpe hain main ne jangali chiDiyon ke chahchahe us madh-makhi ki yaad ko man ki muraad ko qarza utaaraa a-c kharidaa mangaayaa Dish is saal ketiyon mein lagaayaa thaa khaad ko naara ali kaa vird kare sankh ki sadaa chimTon ke saath Dhol bajein phunkein naad ko aakhir hamein bhi paD gayaa hijrat se vaasta rakhtaa hai kaun shahr mein sahraa-nazhaad ko ban-baas ki asaas bhare ruuh ke bhanvar maulaa lagaa suhaag miri soch-saadh ko"

"phir lahlhaa uThaa samay aamon pe baur kaa jaane sakhi kab aae musaafir vo duur kaa is gaanv ke nasheb mein bahti hai ik nadi naddi pe ek peD jhukaa hai khajur kaa nilam si marg nain nigah dil ke aar-paar jivan ke ird-gird kiran kunD nuur kaa ik pal milaap phir kaDe kaDve kaThin viyog maqsad thaa bas yahi tire mere zuhur kaa pakki saDak ke daahne qabrein kuaan vo gaanv gaanv ki or-chhor samaan sim-thur kaa aadarsh man mein chaah kaa shardhaa nibaah ki aanand us ke mukh pe muqaddas ghurur kaa kuchh raat udaas kuchh kaTe janmon jugon ki pyaas kuchh tere mere jism mein saudaa futur kaa tikhe taraaz zaaviye naT-khaT nachant ang sundar sarir kaanch ki turshi sutur kaa yaadein vo duur des vo ghar aur vo saamne simin badan siyaah libaas ek huur kaa"

"nas nas mein nasha pyaar kaa maa'mur huaa hai dil tere milan ke liye majbur huaa hai vaadi mein baras kar abhi barsaat chhaTi hai chiDiyon ki chahak se samay masrur huaa hai aankhon ki guzargaah se dar aayaa hai dil mein tu mere tasarruf se bahut duur huaa hai sau baar tiraa meraa fasaana huaa yakjaa sau baar mare sang tu mazkur huaa hai tu rang mahak ruup mein aayaa tujhe paayaa izhaar tire pyaar kaa bharpur huaa hai"

"dil pe thi sabt jo tahrir miTaai na gai kis ki tasvir thi tasvir bhulaai na gai aa ke us ban mein mile phir na kabhi do premi ghaas pagDanDiyon se jhiil se kaai na gai pyaar ki aanch se jal uTThaa kanval-kaant badan us se surat miri nainon mein chhupaai na gai mujh mein rach bas ke bhi tu mujh se alag khud se alag tere jivan ki amiT-rup ikaai na gai TuuTe katbon ke sivaa mil na sakaa kuchh bhi magar is miTe shahr ke Tilon ki khudaai na gai raat bhar jal pe girin jalte sitaaron ki lavein mujh se chaadar koi naddi pe bichaai na gai is ke darshan se mili mujh ko khud apni pahchaan shakl ik ruuh talak surat-e-aaina gai"

"kah de man ki baat to gori kaahe ko sharmaati hai shaam Dhale tujh ko kis apraadhi ki yaad sataati hai tujh ko mujh se prem hai tu bekal hai meri chaahat mein teri paayaliyaa ki jhan jhan saare bhed bataati hai khol ke ghunghaT ke paT pyaar se karti hai parnaam mujhe bhor bhae jab niir bharan ko vo panghaT par aati hai baandh gai hai mujh se ai dil bandhan priit ki Dori se gaanv ki vo naar jo apne jauban par itraati hai kuchh to bataa do kaun hai jo tere manvaa ko luuT gayaa kis ki khaatir to maabad mein diip jalaane jaati hai 'naasir' ruuh mein ghul jaati hai mast mahak maadhuri ki jab sakhiyon ke sang vo naari nadiyaa biich nahaati hai"

"ghar vaale bhi soe hain abhi shab bhi ghani hai aa jaanaa mire pichhe jahaan naag-phani hai rusvaa hui kuchh tyaag ke tu pyaar ke sambandh kuchh baais-e-tashhir miri be-vatani hai sau baar miraa teraa milan moh huaa hai kis naaz kas andaaz pe tu itnaa tani hai aankhon kaa subhaav hai ki subhon ki kanvalTaa palkon kaa jhukaav hai ki neze ki ani hai aakhir kabhi tai hogaa yunhi nit kaa bichhaDnaa tujh mujh mein kai jivanon janmon se Thani hai sirf ik se mohabbat nahin ab Thaani hai dil ne jo ji ko lubhaae vahi hiire ki kani hai"

"aankhon ke aabgine bahe phuuT phuuT kar yuun dil ne tujh se pyaar kiyaa TuuT TuuT kar jangal sabhi kaTe saje manDap sabhi haTe raajesh kho gae kahin raadhaa se ruuTh kar mat kah use naTor nigoDaa niDar sakhi pi hai miraa main jaaun kahaan us se chhuT kar bandhan jagat ke paanv ki zanjir hi sahi aa taj ke ye rivaayatein is sach ko jhuuT kar jugnu ne is se puchhaa chali hai kidhar bataa zulfon mein raat chaandni chehre pe luuT kar qarze chukaae mannatein uThvaain laae log jab bastiyon mein kheton se ye dhaan kuuT kar gyaani vo giit riit kaa shabdon kaa shubh kavi rahne de yaar chhoD na yuun khud ko hoot kar"

"tire haath pe kheton ki miTTi miraa motiyon vaalaa jaama kal chunte hue sarson tu ne kyuun meraa daaman thaamaa israar na kar zid chhoD sakhi jaati huun piyaa se milne le baandh kalaai par gajre le Daal gale mein naama vahi aa ke biraaje aangan mein vahi saaje naddi ke taT par vahi bhainsein charaae bailon mein vahi charvaahaa vahi kaamaa auraaq sajan sanjog kathaa idraak svayamvar sakhiyaan kaviraaj tum apni kavitaa kaa ban-baas rakho sarnaama kahin ghunghaT ke paT kanhaai kahin basti mein rusvaai kahin honT ki khonT pe murli ki dhun kahin hirdai mein hangaama"

"log the kyaa jo azalon se mushtaaq hue dasht mein sar kaTvaae sina-chaak hue kaisaa kumba thaa vo jis ke bachche bhi pair ke khaak aur khuun kaa dariyaa paak hue khurme ke ik peD ne dekhi saari kathaa mushk phaTi jab jism se baazu aaq hue anguron ke jhunD mein miThaa jharnaa tu tujh par miTne vaale khush-idraak hue avval din jitne vaade the qarz liye aakhir din karbal mein sab bebaak hue kitni chikhein sadiyon ki tahvil mein gum kitne kheme aag mein jal kar khaak hue aap ne zahr-bujhi teghein khaain aur aap taarikhon ki satron mein tiryaaq hue kaanon se aaveze utre haq Thahraa nezon par sar haakim ki imlaak hue maatam ki mazmum ghaDi jab aa pahunchi kuchh aansu aaine kuchh auraaq hue"

"rang aur ruup ke pardip mein khone de mujhe khud ko chaahat ki chaDhi rau mein Dubone de mujhe tu agar khush hai to jaa qaafiya-paimaai kar sher ko ruuh ki laDiyon mein pirone de mujhe priit kaa ant bichhaDnaa hai magar aur abhi apni baahon ke kanval-kund mein sone de mujhe chuum kar is ke madhur honTon ki ras-vant lavein zehn ko nashshon bhari mai se bhigone de mujhe kashT vaajib na sahi kaliyaan to kaanTe hi qubul nai rut mein nae ehsaas ko bone de mujhe teraa rishta hai falak se to zamin ko na ujaaD narm miTTi ki mahak man mein samone de mujhe 'haafiz'-o-'mir' se nisbat bhi bajaa lekin ab khitta-e-paak ki is khaak kaa hone de mujhe yaad aa jaae na jaane use bachpan ki lagan isi jangal mein isi jhiil pe rone de mujhe husn takrim sahi chaahatin taazim sahi haath ab aap shafaq-taab mein dhone de mujhe"