Ghazal

"jaan-e-husn aur kaaenaat-e-rang-o-bu kyaa chiiz hai teri qurbat kah gai ai yaar tu kyaa chiiz hai vasl ki be-intihaa sarmastiyon se puchh lo ki surur-aaraa husul-e-justuju kyaa chiiz hai jaan jaaoge tumhaaraa bhi kabhi TuuTaa jo dil ki gham-o-dard-e-shikast-e-aarzu kyaa chiiz hai jitni dilbar ki mire shakl-o-shamaail hai hasin itni dilkash aur itni khub-ru kyaa chiiz hai kaif se labrez us ki chashm-gin ke saamne saaqiyaa teraa ye mai-parvar subu kyaa chiiz hai chaand hai suraj hai phul-o-khushbu hai yaa hai dhanak bolo meri jaanaan jaisi hu-ba-hu kyaa chiiz hai mujh se mat puchho kisi se dil lagaa kar dosto jaan lo aavaargi-e-ku-ba-ku kyaa chiiz hai main khamoshi ko hi behtar jaantaa thaa ai 'zaki' un se baatein karke samjhaa guftugu kyaa chiiz hai"

"qurb ke tasavvur se dosti banaa Daalein raat saa surur-afzaa din ko bhi banaa Daalein saath saath jiine aur marne ki qasam khaa kar pahli pahli chaahat ko aakhiri banaa Daalein yaadon ke diye rakh kar ishq ke shabistaan mein aao is andhere ko raushni banaa Daalein aashnaai ko rang-e-aashiqi ataa karke chaliye is takalluf ko dilbari banaa Daalein aur paas aa jaanaan palkon ko uThaa jaanaan aankhon ki ziyaarat ko mai-kashi banaa Daalein us ki bevafaai kaa sog aakhirash kab tak kyon na ab har ik gham ko ham khushi banaa Daalein itne dhoke khaae hain ab ye dil mein aataa hai har shanaasaa chehre ko ajnabi banaa Daalein baazuon mein ham apne quvvat-e-amal rakh kar maut ke thapeDe ko zindagi banaa Daalein"

"niyat bhaanpne kaa hunar jaantaa hai miraa yaar paDhnaa nazar jaantaa hai zabardasti anjaan hai ban rahaa vo miraa haal-e-dil sar-basar jaantaa hai pata to hain aadaab-e-ishq us ko lekin haan itnaa hai kuchh mukhtasar jaantaa hai baDi khubiyon vaalaa hai chaaraagar vo mudaavaa-e-dard-e-jigar jaantaa hai mujhe bandagi kaa sabaq mat paDhaao kahaan jhuknaa hai meraa sar jaantaa hai akelaa nikal kar huaa qaafila ik kuchh aisaa vo fann-e-safar jaantaa hai har ik gham kaa andaaz jaise jahaan mein faqat meraa hi ek ghar jaantaa hai shifaayaab kis ki duaa se huaa huun ye rab yaa duaa kaa asar jaantaa hai guzaari hai umr us ne be-khauf ho kar magar kaisaa hotaa hai Dar jaantaa hai"

"kaho ik dusre ki kab zarurat ho gae ham tum bhalaa kaise giraftaar-e-mohabbat ho gae ham tum anaa adl aatmaa sach sab kaa saudaa yaar kar baiThe sitam hai is tarah se nazr-e-ghurbat ho gae ham tum mohabbat ke muqaddas mohtaram maahaul mein rah kar zaraa dekho to kitne khubsurat ho gae ham tum ghalat-fahmi ghurur-o-shaan-o-zid aur vahm ke haathon bas ik pal mein mohabbat se adaavat ho gae ham tum zahe qismat ai hamdam apne fart-e-ishq ke sadqe junun ki ek taarikhi hikaayat ho gae ham tum chhaTe jab bad-gumaani ke andhere tab samajh paae ki tark-e-ishq se mahrum-e-neamat ho gae ham tum hamaari dosti ko dekh kar kuDhte hain bechaare jahaan vaalon ki khaatir yaar zahmat ho gae ham tum sabhi kahte hain tifli mein bahut maasum bhole the javaan ho kar bhalaa kaise qayaamat ho gae ham tum"

"manaataa huun magar vaise hi bas ruThe hue se hain vo shaayad tark-e-ulfat ki qasam khaae hue se hain tumhaare hijr ke sadmon ne haalat ye banaa di hai na ham soe hue se hain na ham jaage hue se hain bas itne se samajh lo ku-e-jaanaan ke fazaael tum gulon ke misl hi kaanTe vahaan mahke hue se hain ai mere sabr zindabaad ai meri pyaas zindabaad jo paimaane ki khaali the vo sab chhalke hue se hain miri parvaaz pahle jaisi rifat kyon nahin paati zaraa dekho to kuchh par kyaa mire katre hue se hain ba-zaahir aur ba-baatin mein yahi ik farq hai saahib vo mere saath mein to hain magar bichhDe hue se hain tire dil mein bhi kyaa chaahat ke narm ehsaas jaag uTThe tire andaaz aakhir aaj kyon badle hue se hain zarur un se junun-bar-dosh divaane gae honge pahaaDon aur chaTTaanon pe jo raste hue se hain"

"de ke shahkaar khadd-o-khaal use kar diyaa rab ne be-misaal use zeb detaa hai ye jalaal use hai milaa aisaa hi jamaal use vo kisi aur kaa huaa niklaa ab to paanaa lage muhaal use phuul khil uThte hain qadam-ba-qadam kyaa hasin-tar mili hai chaal use munfarid ho gai hai zaat us ki rab ne bakhshe hain vo kamaal use jaise main sochtaa huun us ko bahut kyaa miraa bhi hai yuun khayaal use har ghaDi muzmahil saa hai rahtaa jaane hai kaun saa malaal use"

"ujaalon se taalluq joD kar aahista aahista kamandein Daalungaa main chaand par aahista aahista banoge tum mire ik din magar aahista aahista duaaon mein miri hogaa asar aahista aahista mohabbat kaa mire rashk-e-qamar aahista aahista tire is dil pe bhi hogaa asar aahista aahista unhein dekhaa thaa ham ne bas uchaTti si nigaahon se magar vo kar rahe hain dil mein ghar aahista aahista mayassar ik moattar phuul ki mujh ko rifaaqat hai miraa jaari hai khushbu kaa safar aahista aahista nikhar aayaa hai dhire dhire teraa husn-e-dilkash ab mohabbat se bhi ai jaanaan sanvar aahista aahista tiraa badmast pariyon saa saraapaa aaj dekhaa to hui nabz-e-nafas zer-o-zabar aahista aahista vo kitne pahron mein aur bandishon mein ho magar us tak pahunch jaaegaa meraa naama-bar aahista aahista"

"shafqat ke aas-paas muravvat ke aas-paas paaoge ham ko sirf mohabbat ke aas-paas pahchaan lenaa bas vahi mahbub hai miraa mil jaae aap ko jo nazaakat ke aas-paas ye kyaa ki aaj aap kahin bhi nahin mile khalvat ke aas-paas na jalvat ke aas-paas in ko kahin bhi le chalun koi samaan dikhaaun phirti hain aankhein bas tiri surat ke aas-paas tere sivaa koi bhi tamanna nahin mujhe rahtaa hai tu hi to miri hasrat ke aas-paas kyaa yunhi lahja hai miraa is darja dil-navaaz rahtaa huun ik saraapaa-nafaasat ke aas-paas mahsus kartaa huun main tujhe ai mire habib har dil-fareb nikhat-o-zinat ke aas-paas"

"jo sikhaanaa hai to phir is Dhang ki baatein sikhaa kar luun sab ke dil mein ghar aisi munaajaatein sikhaa mujh ko tanhaa karne se pahle ai mere ham-nafas kaise kaaTungaa main tere hijr ki raatein sikhaa duur se didaar ki bas puuri hongi hasratein jo banaa dein aashnaa aisi mulaaqaatein sikhaa apne shauq-e-girya se mausam-zada baadal ko tu kaise be-mausam huaa karti hain barsaatein sikhaa raat ko din karne vaale ai mire shaatir aziiz jaise tu chaltaa hai yuun chalnaa mujhe ghaatein sikhaa vird ne jin ke tujhe khushiyaan hi khushiyaan bakhshi hain mujh ko bhi paDhnaa mohabbat ki vo aayaatein sikhaa dard-e-dil aankhon mein aansu aur tabassum pyaar mein kaise di jaati hain ye anmol saughaatein sikhaa main bhi mearaaj-e-mohabbat chaahtaa huun jaan-e-man mujh ko andaaz-e-mohabbat ki hidaayaatein sikhaa ishq se naa-aashnaa huun tere jalvon ki qasam aa ke apne husn-e-dilkash ki mudaaraatein sikhaa"

"tiri shikast kaa harba talaash karte hain tujhe nahin tire jaisaa talaash karte hain charaagh phuul shagufa dhanak sitaara chaand ham ahl-e-zauq bhi kyaa kyaa talaash karte hain sunaa hai jab se ki khushiyon kaa eatibaar nahin ghamon ko lamha-ba-lamha talaash karte hain hain ramz-e-azmat-e-tishna-labi se ham vaaqif ho pahra jis pe vo dariyaa talaash karte hain vo jis ko dekh ke hiss-e-latif jaag uThe vahi badan vahi chehra talaash karte hain sukut-e-zaat kaa sannaaTaa ab shabaab pe hai ham ek chaahne vaalaa talaash karte hain vahi ki saaya thaa jis kaa na koi saani thaa vo nuur nuur saraapaa talaash karte hain unhein mili hai viraasat mein sabr ki tahzib jo dard mein hi mudaavaa talaash karte hain"