raqib qatl huaa us ki tegh-e-abru se — Aagha Akbarabadi

barq o simaab kaa 'aaghaa' na rahe naam-o-nishaan
dil ki betaabi se ik baar jo muztar main huun

haath donon miri gardan mein hamaail kiije
aur ghairon ko dikhaa diije anguThaa apnaa

tavaaf-e-kaaba ko kyaa jaaein haj nahin vaajib
kalaal-khaane ke kuchh din-daar ham bhi hain

sharaab piite hain to jaagte hain saari raat
mudaam aabid-e-shab-zinda-daar ham bhi hain

do-shaala shaal kashmiri amiron ko mubaarak ho
galim-e-kohna mein jaaDaa faqiron kaa basar hogaa

hamein to un ki mohabbat hai koi kuchh samjhe
hamaare saath mohabbat unhein nahin to nahin

pyaaso raho na dasht mein baarish ke muntazir
maaro zamin pe paanv ki paani nikal paDe

baadal ke ek TukDe mein kyon dab gai tapish
suraj hazaar darja jalaali banaa rahaa

baraabar khafaa hon baraabar manaaein
na tum baaz aao na ham baaz aaein

kyaa hamsari ki ham se tamannaa kare koi
ham khud bhi apne qad ke baraabar na ho sake

us ko sochun to dhyaan mein mere
khushbu aati hai pahli baarish ki

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai