saDak pe chalte hue aankhein band rakhtaa huun — Aashufta Changezi

tujh se bichhaDnaa koi nayaa haadsa nahin
aise hazaaron qisse hamaari khabar mein hain

ye baat yaad rakheinge talaashne vaale
jo us safar pe gae lauT kar nahin aae

arse se is dayaar ki koi khabar nahin
mohlat mile to aaj kaa akhbaar dekh lein

kyuun khilaune TuTne par aab-dida ho gae
ab tumhein ham kyaa bataaein kyaa pareshaani hui

ek manzar mein lipTe badan ke sivaa
sard raaton mein kuchh aur dikhtaa nahin

sabhi ko apnaa samajhtaa huun kyaa huaa hai mujhe
bichhaD ke tujh se ajab rog lag gayaa hai mujhe

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jab dil kaa jahaaz apnaa tabaahi mein paDe hai
le dauDein hain aansu vahin aaankhon ki gharaabein

kisi ke dard-e-mohabbat ne umr bhar ke liye
khudaa se maang liyaa intikhaab kar ke mujhe