nihaal-e-dard ye din tujh pe kyuun utartaa nahin — Abbas Tabish

jhonke ke saath chhat gai dastak ke saath dar gayaa
taaza havaa ke shauq mein meraa to saaraa ghar gayaa

mohabbat ek dam dukh kaa mudaavaa kar nahin deti
ye titli baiThti hai zakhm par aahista aahista

'taabish' jo guzarti hi nahin shaam ki had se
sochein to vahin raat sahar-khez bahut hai

ek muddat se miri maan nahin soi 'taabish'
main ne ik baar kahaa thaa mujhe Dar lagtaa hai

main jis sukun se baiThaa huun is kinaare par
sukun se lagtaa hai meraa qayaam aakhiri hai

muddat ke baad khvaab mein aayaa thaa meraa baap
aur us ne mujh se itnaa kahaa khush rahaa karo

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

abhi tak fasl-e-gul mein ik sadaa-e-dard aati hai
vahaan ki khaak se pahle jahaan thaa aashiyaan meraa

tujh se parda nahin mire gham kaa
tu miri zindagi kaa mahram hai