qaasid ye zabaan us ki bayaan us kaa nahin hai — Abdul Aziz Khalid

har baat hai 'khaalid' ki zamaane se niraali
baashinda hai shaayad kisi duniyaa-e-digar kaa

kaun mar kar dobaara zinda huaa
kaun mulk-e-fanaa se lauTaa hai

pursaan-e-pareshaani-e-insaan nahin koi
qismat ki girah naakhun-e-tadbir se kholo

parakhne vaale parkheinge isi meaar par ham ko
jahaan se kyaa liyaa ham ne jahaan ko kyaa diyaa ham ne

shahidaan-e-vafaa ki manqabat likhte rahe lekin
na ki arzi khudaaon ki kabhi hamd-o-sanaa ham ne

nai mohabbatein 'khaalid' puraani dostiyaan
azaab-e-kashmakash-e-be-amaan mein rahte hain

mujhi ko parda-e-hasti mein de rahaa hai fareb
vo husn jis ko kiyaa jalva-aafrin main ne

fariyaad ai tasavvur-e-abru-e-dil-fareb
qible ki samt bhuul gayaa huun namaaz mein

ab zamaana hai bevafaai kaa
siikh lein ham bhi ye hunar shaayad

us ke ifaa-e-ahd tak na jiye
umr ne ham se bevafaai ki

main kis liye tujhe ilzaam-e-bevafaai duun
ki main to aap hi patthar huun apne raste kaa

husn thaa teraa bahut aalam-fareb
khat ke aane par bhi ik aalam rahaa