yahaan na peT hi is shaaeri se bhartaa hai — Asad Badayuni

bichhaD ke tujh se kisi dusre pe marnaa hai
ye tajraba bhi isi zindagi mein karnaa hai

aate hain barg-o-baar darakhton ke jism par
tum bhi uThaao haath ki mausam duaa kaa hai

jise na meri udaasi kaa kuchh khayaal aayaa
main us ke husn pe ik roz khaak Daal aayaa

chaman vahi ki jahaan par labon ke phuul khilein
badan vahi ki jahaan raat ho gavaaraa bhi

mohabbatein bhi usi aadmi kaa hissa thiin
magar ye baat puraane zamaane vaali hai

meri rusvaai ke asbaab hain mere andar
aadmi huun so bahut khvaab hain mere andar

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

har daur kaa shahid tire qaafile mein hai
hoti nahin husain tiri karbalaa tamaam

yaad aai na kabhi be-sar-o-saamaani mein
dekh kar ghar ko gharib-ul-vatani yaad aai

dar-o-divaar pe hasrat se nazar karte hain
khush raho ahl-e-vatan ham to safar karte hain

vo hindi naujavaan yaani alam-bardaar-e-aazaadi
vatan ki paasbaan vo tegh-e-jauhar-daar-e-aazaadi

ik khun-chakaan kafan mein karoDon banaao hain
paDti hai aankh tere shahidon pe huur ki