samundar paar aa baiThe magar kyaa — Abdullah Javed

tum apne aks mein kyaa dekhte ho
tumhaaraa aks bhi tum saa nahin hai

dekhte ham bhi hain kuchh khvaab magar haae re dil
har nae khvaab ki taabir se Dar jaataa hai

saahil pe log yunhi khaDe dekhte rahe
dariyaa mein ham jo utre to dariyaa utar gayaa

phir nai hijrat koi darpesh hai
khvaab mein ghar dekhnaa achchhaa nahin

aap ke jaate hi ham ko lag gai aavaargi
aap ke jaate hi ham se ghar nahin dekhaa gayaa

ashk Dhalte nahin dekhe jaate
dil pighalte nahin dekhe jaate

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

uDaati hai vo tegh chaadar lahu ki
shahidon ko khilat ataa ho rahaa hai

kaun mar kar dobaara zinda huaa
kaun mulk-e-fanaa se lauTaa hai

kis vaqt mein basaa thaa ilaahi ye mulk-e-dil
sadme hi paDte rahte hain nit is dayaar par

mujhe to khair vatan chhoD kar amaan na mili
vatan bhi mujh se gharib-ul-vatan ko tarsegaa

izzat kaa hai na auj na neki ki mauj hai
hamla hai apni qaum pe lafzon ki fauj hai