jo launDaa chhoD kar ranDi ko chaahe — Abroo Shah Mubarak

jaltaa hai ab talak tiri zulfon ke rashk se
har-chand ho gayaa hai chaman kaa charaagh gul

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

kyaa sabab tere badan ke garm hone kaa sajan
aashiqon mein kaun jaltaa thaa gale kis ke lagaa

yuun 'aabru' banaave dil mein hazaar baatein
jab ru-ba-ru ho tere guftaar bhuul jaave

namkin goyaa kabaab hain phike sharaab ke
bosaa hai tujh labaan kaa maze-daar chaTpaTaa

afsos hai ki bakht hamaaraa ulaT gayaa
aataa to thaa pe dekh ke ham kuun palaT gayaa

husn jalva dikhaa gayaa apnaa
ishq baiThaa rahaa udaas kahin

kaam the ishq mein bahut par 'mir'
ham hi faarigh hue shitaabi se

mujh ko milaa ye shikva-e-dushnaam par javaab
aap us se ishq kijiye jis ki zabaan na ho

ai ishq jahaan hai yaar meraa
mujh ko bhi usi jagah tu le chal

ishq kaa zauq-e-nazaara muft mein badnaam hai
husn khud be-taab hai jalva dikhaane ke liye

mohabbat to ham ne bhi ki aur bahut ki
magar husn ko ishq karnaa na aayaa