yahi dil jo ik buund hai bahr-e-gham ki — Ahmad Javaid

ek aansu se kami aa jaaegi
ghaaliban dariyaaon ke iqbaal mein

ajab safar thaa ajab-tar musaafirat meri
zamin shuru hui aur main tamaam huaa

dil se baahar aaj tak ham ne qadam rakkhaa nahin
dekhne mein zaahiraa lagte hain sailaani se ham

duniyaa mire paDos mein aabaad hai magar
meri duaa-salaam nahin us zalil se

sukh ki khaatir dukh mat bech
jaal ke pichhe jaal na Daal

gahvaara-e-safar mein khuli hai hamaari aankh
taamir apne ghar ki hui sang-e-mil se

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kabhi dekhaa hi nahin us ne pareshaan mujh ko
main ki rahtaa huun sadaa apni nigahbaani mein

jaane main kaun thaa logon se bhari duniyaa mein
meri tanhaai ne shishe mein utaaraa hai mujhe

jab se us ki aankh mein aansu dekhe hain
tab se mujh ko paani se Dar lagtaa hai