rafaaqaton kaa tavaazun agar bigaD jaae — Ahmad Kamal Parwazi

tujh se bichhDun to tiri zaat kaa hissa ho jaaun
jis se martaa huun usi zahr se achchhaa ho jaaun

tumhaare vasl kaa jis din koi imkaan hotaa hai
main us din roza rakhtaa huun buraai chhoD detaa huun

mujh ko maalum hai mahbub-parasti kaa azaab
der se chaand nikalnaa bhi ghalat lagtaa hai

tum mire saath ho ye sach to nahin hai lekin
main agar jhuuT na bolun to akelaa ho jaaun

vo apne husn ki khairaat dene vaale hain
tamaam jism ko kaasa banaa ke chalnaa hai

tanhaai se bachaav ki surat nahin karun
mar jaaun kyaa kisi se mohabbat nahin karun

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

jo ghair the vo isi baat par hamaare hue
ki ham se dost bahut be-khabar hamaare hue

barseingi aaj rahmatein aamad hai yaar ki
naayaab hain ye ghaDiyaan tire intizaar ki