roz o shab bech diye hain main ne — Ahsan Yusuf Zai

barsaat tham chuki hai magar har shajar ke paas
itnaa to hai ki aap kaa daaman bhigo sake

luTeron ke liye soti hain aankhein
magar ham apne andar jaagte hain

kaaghaz ki naav huun jise tinkaa Dubo sake
yuun bhi nahin ki aap se ye bhi na ho sake

niind ko log maut kahte hain
khvaab kaa naam zindagi bhi hai

hamaari saansein mili hain gin ke
na jaane kitne baje hain din ke

sab ke aangan jhaankne vaale ham se hi kyuun bair tujhe
kab tak teraa rasta dekhein saari raat ke jaage ham

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

kahun ai zauq kyaa haal-e-shab-e-hijr
ki thi ik ik ghaDi sau sau mahine

shor din ko nahin sone detaa
shab ko sannaaTaa jagaa detaa hai

rok do ye raushni ki tez dhaar
meri miTTi mein gundhi hai raat bhi

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab