hamaari saansein mili hain gin ke — Ahsan Yusuf Zai

barsaat tham chuki hai magar har shajar ke paas
itnaa to hai ki aap kaa daaman bhigo sake

luTeron ke liye soti hain aankhein
magar ham apne andar jaagte hain

kaaghaz ki naav huun jise tinkaa Dubo sake
yuun bhi nahin ki aap se ye bhi na ho sake

roz o shab bech diye hain main ne
is bulandi se giraataa kyaa hai

niind ko log maut kahte hain
khvaab kaa naam zindagi bhi hai

sab ke aangan jhaankne vaale ham se hi kyuun bair tujhe
kab tak teraa rasta dekhein saari raat ke jaage ham

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa