dilon pe dard kaa imkaan bhi ziyaada nahin — Vipul Kumar

har mulaaqaat pe siine se lagaane vaale
kitne pyaare hain mujhe chhoD ke jaane vaale

ik lamha-e-firaaq pe vaaraa gayaa mujhe
kaisi hasin shaam mein maaraa gayaa mujhe

ik roz khel khel mein ham us ke ho gae
aur phir tamaam umr kisi ke nahin hue

us hijr pe tohmat ki jise vasl ki zid ho
us dard pe laanat ki jo ashaar mein aa jaae

itnaa hairaan na ho meri anaa par pyaare
ishq mein bhi kai khuddaar nikal aate hain

vo ek haath baDhaaegaa tujh ko paa legaa
so dekh sabr kaa elaan bhi ziyaada nahin

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

nae safar kaa har ik moD bhi nayaa thaa magar
har ek moD pe koi sadaaein detaa thaa

koi apne hi gham se khaali kahaan hai
jahaan mein koi meraa gham-khvaar kyuun ho

ik nae gham se kinaaraa bhi to ho saktaa hai
ishq phir ham ko dobaaraa bhi to ho saktaa hai