hijr ki raat aur puuraa chaand — Aleena Itrat

dil ke gulshan mein tire pyaar ki khushbu paa kar
rang rukhsaar pe phulon se khilaa karte hain

husn-o-jamaal-o-zist ki aaraaishein fuzul
ishq-o-junun ki aag jo dil mein javaan na ho

lo hamaaraa javaab le jaao
ye mahaktaa gulaab le jaao

Thiik hai jaao ta'alluq na rakheinge ham bhi
tum bhi vaada karo ab yaad nahin aaoge

jin ke mazbut iraade bane pahchaan un ki
manzilein aap hi ho jaati hain aasaan un ki

khvaahishein khvaab dikhaati hain tire milne kaa
khvaab se kah de ki taabir ki surat aae

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

aaj ki raat bhi guzri hai miri kal ki tarah
haath aae na sitaare tire aanchal ki tarah

ab jis dil-e-khvaabida ki khulti nahin aankhein
raaton ko sirhaane mire bedaar yahi thaa

raat aati hai to taaqon mein jalaate hain charaagh
khvaab zinda hain so aankhon mein jalaate hain charaagh