koi patthar kaa nishaan rakh ke judaa hon ham tum — Alimullah Hali

ek aavaaz ne toDi hai khamoshi meri
DhunDhtaa huun to pas-e-saahil-e-shab kuchh bhi nahin

bikhar ke chhuT na jaaun tiri giraft se main
sambhaal kar mujhe ai mauj-e-khush-adaa le jaa

sadaaon ke jangal mein vo khaamushi hai
ki main ne har aavaaz teri suni hai

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

jab bhi chumaa hai tire honTon ko
jism se un ko judaa jaanaa hai

afsos mujh ko chhoD ke jaane se peshtar
vo jaa chukaa thaa mujh ko khabar baa'd mein hui