chor hai dil mein kuchh na kuchh yaaro — Altaf Hussain Hali

ek raushan dimaagh thaa na rahaa
shahar mein ik charaagh thaa na rahaa

aa rahi hai chaah-e-yusuf se sadaa
dost yaan thoDe hain aur bhaai bahut

jaanvar aadmi farishta khudaa
aadmi ki hain saikaDon qismein

ham ne avval se paDhi hai ye kitaab aakhir tak
ham se puchhe koi hoti hai mohabbat kaisi

gul-o-gulchin kaa gila bulbul-e-khush-lahja na kar
tu giraftaar hui apni sadaa ke baais

farishte se baDh kar hai insaan bannaa
magar is mein lagti hai mehnat ziyaada

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaad-e-yaaraan dil mein aai huuk ban kar rah gai
jaise ik zakhmi parinda jis ke par TuuTe hue

firaaq-e-yaar ne bechain mujh ko raat bhar rakkhaa
kabhi takiya idhar rakkhaa kabhi takiya udhar rakkhaa