jaan dene kaa hunar har shakhs ko aataa nahin — Ambar Bahraichi

baahar saare maidaan jiit chukaa thaa vo
ghar lauTaa to pal bhar mein hi TuuTaa thaa

soup ke daane kabutar chug rahaa thaa aur vo
sehn ko mahkaa rahi thi sunnatein paDhte hue

ye sach hai rang badaltaa thaa vo har ik lamha
magar vahi to bahut kaamyaab chehraa thaa

har ik nadi se kaDi pyaas le ke vo guzraa
ye aur baat ki vo khud bhi ek dariyaa thaa

jaane kyaa soch ke phir in ko rihaai de di
ham ne ab ke bhi parindon ko tah-e-daam kiyaa

meraa karb miri tanhaai ki zinat
main chehron ke jangal kaa sannaaTaa huun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

jo tu ai 'mushafi' raaton ko is shiddat se rovegaa
to meri jaan phir kyunke koi ham-saaya sovegaa

kis ki khaatir ko muqaddam rakhkhun main hairaan huun
gabr ki jaanib huun yaa-rab yaa musalmaan ki taraf