vo maarka ki aaj bhi sar ho nahin sakaa — Ameer Imam

na aabshaar na sahraa lagaa sake qimat
ham apni pyaas ko le kar dahan mein lauT aae

shahr mein saare charaaghon ki ziyaa khaamosh hai
tirgi har samt phailaa kar havaa khaamosh hai

lagi vo tujh si to aalam mein munfarid Thahri
vagarna aam si lagti agar judaa lagti

apni taraf to main bhi nahin huun abhi talak
aur us taraf tamaam zamaana usi kaa hai

dhuup mein kaun kise yaad kiyaa kartaa hai
par tire shahr mein barsaat to hoti hogi

jo shaam hoti hai har roz haar jaataa huun
main apne jism ki parchhaaiyon se laDte hue

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe