ris rahaa hai muddat se koi pahlaa gham mujh mein — Bilal Ahmad

zamin nai thi anaasir ki khu badalti thi
havaa se pahle jazire pe dhuup chalti thi

ajiib qaid thi jis mein bahut khushi thi mujhe
ab ashk thamte nahin hain ye kyaa rihaa huaa main

hamaari khaak tabarruk samajh ke le jaao
hamaari jaan mohabbat ki lau mein jalti thi

sunaa hai main ne aziyyat maza bhi deti hai
sunaa hai dil ki khalish mein sakun bhi hotaa hai

ek kaanTe ki khaTak se dil miraa aabaad thaa
vo gayaa to dil se mere dard ki raahat gai

ajiib Dhang se taqsim-e-kaar ki us ne
so jis ko dil na diyaa us ko dilrubaai di

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hanste hue chehron se hamein hoti hai vahshat
ham log udaasi ke shajar DhunD rahe hain

shaam-e-avadh ne zulf mein gundhe nahin hain phuul
tere baghair subh-e-banaras udaas hai

rakh na aansu se vasl ki ummid
khaare paani se daal galti nahin