kaaba-o-dair mein ab DhunD rahi hai duniyaa — Ameeta Parsuram Meeta

par katar paai jab na khvaabon ke
band hi kar diin khiDkiyaan main ne

manzil apni DhunD rahe ho
rasta duuje kaa chalte ho

dafnaa diyaa thaa jin ko gunje hain har taraf ab
meri khamoshiyon ko aavaaz mil gai hai

chaahti thi ki log kam hi milein
so andheron mein hi qayaam kiyaa

meri saanson ne aaj dastak di
yaad aayaa ki haan main zinda huun

tujhi se guftugu har dam tiri hi justuju har dam
miri aasaaniyaan tujh se miri mushkil hai tu hi tu

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

'ajib haal hai tujh se bichhaD ke bhi ab tak
ye dil tujhi se bichhaDne ke Dar mein rahtaa hai

ye bahs chhoD ke kitni hasin hai duniyaa
tu ye bataa ki teraa dil kahin lagaa ki nahin

faqat zanjir badli jaa rahi thi
main samjhaa thaa rihaai ho gai hai

ghar mein vahi piili tanhaai rahti hai
divaaron ke rang badalte rahte hain