kabhi miloge ye soch kar dil — Amit Ahad

jab vafaa hi nahin zamaane mein
ishq sar par savaar kaun kare

kabhi mandir kabhi masjid pe hai is kaa baseraa
dharam insaaniyat kaa bas kabutar jaantaa hai

der tak saath bhige ham us ke
ham ne yuun kaamyaab ki baarish

yuun to safar kiyaa hai kitne hi raaston par
lekin tire hi ghar kaa rasta pasand aayaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

jab bhi aql banaati hai pahlaa misraa
dil ko misra-e-saani honaa paDtaa hai

raat din gardish mein hain lekin paDaa rahtaa huun main
kaam kyaa meraa yahaan hai sochtaa rahtaa huun main

har vaqt fikr-e-marg-e-gharibaana chaahiye
sehhat kaa ek pahlu marizaana chaahiye

daavaa-e-insaaniyat 'maail' abhi zebaa nahin
pahle ye socho kisi ke kaam aa saktaa huun main