jab vafaa hi nahin zamaane mein — Amit Ahad

kabhi mandir kabhi masjid pe hai is kaa baseraa
dharam insaaniyat kaa bas kabutar jaantaa hai

der tak saath bhige ham us ke
ham ne yuun kaamyaab ki baarish

yuun to safar kiyaa hai kitne hi raaston par
lekin tire hi ghar kaa rasta pasand aayaa

kabhi miloge ye soch kar dil
hazaar sapne bunaa karegaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kisi ke honT par khili hansi ki main asiir huun
luTi hui mohabbaton ki dekh lo nazir huun

baad-e-tark-e-ulfat bhi yuun to ham jiye lekin
vaqt be-tarah biitaa umr be-sabab guzri

tiri javaan umangon ko ho gayaa hai kyaa
Dari Dari si mohabbat mujhe pasand nahin

kahaan ke ishq-o-mohabbat kidhar ke hijr o visaal
abhi to log taraste hain zindagi ke liye