kis ghalat-fahmi mein apni umr saari kaT gai — Amjad Najmi

zulf-e-mushkin thi mehrbaan kis ki
bu basi hai dimaagh mein ab tak

bachhDaa huaa jaise koi milte hi lipaT jaae
yuun tiir tiraa aa ke lipaTtaa hai jigar se

vafaa ki aaD mein kyaa kyaa hui jafaa ham par
jo dosti yahi Thahri to dushmani kyaa hai

jab dil hi nahin hai pahlu mein phir ishq kaa saudaa kaun kare
ab un se mohabbat kaun kare ab un ki tamannaa kaun kare

na duniyaa baais-e-ghaflat na uqbaa vajh-e-hushyaari
rahe jo tujh se ghaafil ham use ghaafil samajhte hain

isi kaa naam shaayad zindagi hai
khushi ki ik ghaDi to ik ghami ki

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr hi teri guzar jaaegi un ke hal mein
teraa bachcha jo savaalaat liye baiThaa hai

idhar to tuul diyaa hai umiid ko us ne
udhar hayaat ataa ki hai mukhtasar mujh ko

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein