teri yaadon ki baandh kar gaThDi — Anam Shahzadi

jaise dimak-zada koi lakDi
yuun tiraa hijr khaae jaataa hai

mire dil mein december jam gayaa hai
pighal kar saal bhar bahtaa rahegaa

kyaa musibat hai zindagi yaani
mujh ko jiinaa paDegaa marne tak

main samajhti huun jise yaum-e-vilaadat apnaa
dar-haqiqat vo miri maut kaa pahlaa din thaa

kuDe-daanon mein laash ki surat
main ne dekhe hain pyaar ke tohfe

jo alag ho gayaa thaa jhurmuT se
us parinde ki khair ho maulaa

mere khvaabon ke jharokon ko sajaate rahiye
na sahi vasl magar yaad to aate rahiye

koi puraanaa khat kuchh bhuli-bisri yaad
zakhmon par vo lamhe marham hote hain

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein

ik bosa maangtaa huun main khairaat-e-husn ki
do maal ki zakaat ki daulat ziyaada ho

mausam-e-gul hamein jab yaad aayaa
jitnaa gham bhule the sab yaad aayaa