gavaaraa hi na thi jin ko judaai meri dam-bhar ki — Anees Ahmad Anees

ab gham kaa koi gham na khushi ki khushi mujhe
aakhir ko raas aa hi gai zindagi mujhe

main vo rind-e-nau nahin huun jo zaraa si pi ke bahkun
abhi aur aur saaqi ki main phir sambhal rahaa huun

kabhi ik baar haule se pukaaraa thaa mujhe tum ne
kisi ki mujh se ab aavaaz pahchaani nahin jaati

udhar vo ahd-o-paimaan-e-vafaa ki baat karte hain
idhar mashq-e-sitam bhi tark farmaayaa nahin jaataa

hamin ne chun liye phulon ke badle khaar daaman mein
faqat gulchin ke sar ilzaam Thahraayaa nahin jaataa

tavaaf-e-maah karnaa aur khalaa mein saans lenaa kyaa
bharosa jab nahin insaan ko insaan ke dil par

khamoshi se adaa ho rasm-e-duri
koi hangaama barpaa kyuun karein ham

ye amal ret ko paani nahin banne detaa
pyaas ko apni saraabon se alag rakhtaa huun

amir-e-kaarvaan hai tang ham se
hamaaraa raastaa sab se alag hai

qurbatein laakh khub-surat hon
duriyon mein bhi dilkashi hai abhi

tamaam umr yuun hi ho gai basar apni
shab-e-firaaq gai roz-e-intizaar aayaa

ji DhunDhtaa hai ghar koi donon jahaan se duur
is aap ki zamin se alag aasmaan se duur