ab gham kaa koi gham na khushi ki khushi mujhe — Anees Ahmad Anees

gavaaraa hi na thi jin ko judaai meri dam-bhar ki
unhin se aaj meri shakl pahchaani nahin jaati

main vo rind-e-nau nahin huun jo zaraa si pi ke bahkun
abhi aur aur saaqi ki main phir sambhal rahaa huun

kabhi ik baar haule se pukaaraa thaa mujhe tum ne
kisi ki mujh se ab aavaaz pahchaani nahin jaati

udhar vo ahd-o-paimaan-e-vafaa ki baat karte hain
idhar mashq-e-sitam bhi tark farmaayaa nahin jaataa

hamin ne chun liye phulon ke badle khaar daaman mein
faqat gulchin ke sar ilzaam Thahraayaa nahin jaataa

tavaaf-e-maah karnaa aur khalaa mein saans lenaa kyaa
bharosa jab nahin insaan ko insaan ke dil par

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kitaab-e-ishq mein har aah ek aayat hai
par aansuon ko huruf-e-muqattiaat samajh

uThaa ye shor vahin se sadaaon kaa kyun-kar
vo aadmi to sunaa apne ghar mein tanhaa thaa

vo aae jaataa hai kab se par aa nahin jaataa
vahi sadaa-e-qadam kaa hai silsila ki jo thaa