khamoshi se adaa ho rasm-e-duri — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

un ki hazaar koshishein aur zid alag rahi
apni to DeDh iinT ki masjid alag rahi

ye alag baat hai saaqi ki mujhe hosh nahin
hosh itnaa hai ki main tujh se faraamosh nahin

aa ke bazm-e-sher mein shart-e-vafaa puuri to kar
jitnaa khaanaa khaa gayaa hai utni mazduri to kar

tamannaa ik tarah ki jaan hai jo marte dam nikle
judaai ik tarah ki maut hai jo jite-ji aae

is liye sab se alag hai miri khushbu 'aami'
mushk-e-mazdur pasine mein liye phirtaa huun

hijr ki jang kaa sipaahi huun
laD rahaa huun tire firaaq se main