zavaal-e-umr mein kaa'be ki aarzu kaisi — Aqeel Shah

dekhe na faqiri ko koi shak se hamaari
divaar mein dar bantaa hai dastak se hamaari

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi puchh na baiThe tire baare mein kahin
teri tasvir banaate hue Dar lagtaa hai