khvaab mein jaagti be-khvaabi pataa puchhti hai — Arifa Shahzad

tujhe aaghaaz hi se paDh liyaa thaa
tire chehre pe sab likhaa huaa thaa

nashtar jaisaa andar ik chubhtaa kaanTaa hai
jaane us ne dukh baanTaa yaa dil baanTaa hai

ab bhi mat puchh mire dil mein hai kyaa rahne de
baat vaise bhi nahin tujh ko bataane vaali

sab mumkin hai farz hi kar lo
khushbu apni ok mein bhar lo

din ki aankhein band hui hain
aankhon mein hai raat khabar lo

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hal kar liyaa majaaz haqiqat ke raaz ko
paai hai main ne khvaab ki taabir khvaab mein

ham se ziyaada kaun samajhtaa hai gham ki gahraai ko
ham ne khvaabon ki miTTi se paaTaa hai is khaai ko

mujhe chakhte hi kho baiThaa vo jannat apne khvaabon ki
bahut miltaa huaa thaa zindagi se zaaiqa meraa