jis ke dam se thi jism ki raunaq — Armaan Jodhpuri

kaam ho to kaam karnaa vaqt ho to shaa'iri
naukri apni jagah hai shaa'iri apni jagah

mo'jiza aur bhalaa is se baDaa kyaa hogaa
dard is dil mein hai girte hain tumhaare aansu

hai mere dil ko anaa is qadar 'aziz ki vo
taDapne bhi nahin detaa hai aah bhar ke mujhe

pyaasi bahut thiin hasratein lo aaj mar gaiin
baarish kaa intizaar thaa vo bhi nahin rahaa

aakhir tire savaal kaa main kyaa javaab duun
ai mere ham-khayaal zaraa sochne to de

duriyaan tum ne hi baDhaai thiin
ham to apni jagah pe Thahre hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

jaane main kaun thaa logon se bhari duniyaa mein
meri tanhaai ne shishe mein utaaraa hai mujhe

main apni khushiyaan akele manaayaa kartaa huun
yahi vo gham hai jo tujh se chhupaa huaa hai miraa