duriyaan tum ne hi baDhaai thiin — Armaan Jodhpuri

mo'jiza aur bhalaa is se baDaa kyaa hogaa
dard is dil mein hai girte hain tumhaare aansu

hai mere dil ko anaa is qadar 'aziz ki vo
taDapne bhi nahin detaa hai aah bhar ke mujhe

pyaasi bahut thiin hasratein lo aaj mar gaiin
baarish kaa intizaar thaa vo bhi nahin rahaa

jis ke dam se thi jism ki raunaq
us udaasi ke haath piile hue

aakhir tire savaal kaa main kyaa javaab duun
ai mere ham-khayaal zaraa sochne to de

kaam ho to kaam karnaa vaqt ho to shaa'iri
naukri apni jagah hai shaa'iri apni jagah

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

kaisaa firaaq kaisi judaai kahaan kaa hijr
vo jaaegaa agar to khayaalon mein aaegaa

aisi hi intizaar mein lazzat agar na ho
to do ghaDi firaaq mein apni basar na ho

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

mire saare badan par duriyon ki khaak bikhri hai
tumhaare saath mil kar khud ko dhonaa chaahtaa huun main